Dipesaleme 104:1 - Sesotho 1909/1961 (SO)

¹ Boka Jehova, moya wa ka! Jehova, Modimo wa ka, o moholo haholo, o apere kganya le bokgabane!

BIBELE

¹ Boka Morena, wena moya wa ka. Morena Modimo wa ka, o moholo hakaakang! O apere tlotla le botlotlehi,

Dipesaleme 104:1 ပူးပေါင်းရင်းမြစ်များ

Dipesaleme 103:22

Bokang Jehova, lona mesebetsi ya hae kaofela, nqalong tsohle tsa borena ba hae! Moya wa ka, o boke Jehova!

Dipesaleme 104:35

Baetsadibe a ba ke ba timelle lefatsheng, ba babe ba lese ho ba teng! Boka Jehova, moya wa ka! Bokang Jehova!

Dipesaleme 145:3

Jehova o moholo, o lokelwa ke dithoko tsohle, boholo ba hae ha bo na ho lekanngwa.

Dipesaleme 7:1

Jehova, Modimo wa ka, ke balehela ho wena; o mpoloke ho bohle ba ntlhorisang, mme o ntokolle;

Dipesaleme 93:1

Jehova o a busa, o apere bokgabane; matla ke seaparo sa Jehova le senyepa sa hae; ka baka leo, lefatshe le tiile, le ke ke la sisinyeha.

Dipesaleme 95:3

Hobane Jehova ke Modimo o moholo, ke Morena e moholo ya fetang medimo yohle;

Dipesaleme 96:6

Kganya le letlotlo di pela hae, matla le botle di sehalalelong sa hae.

Isaia 59:17

O apere dihlomo tsa hae; ho loka ke tshireletso ya sefuba sa hae; hloohong o rwetse heleme ya poloko; phetetso yona ke seaparo sa hae; poulelo yona ke kobo eo a ipopileng ka yona.

Jeremia 23:24

Na motho a ka ya a pateha sephiring, hore ke se ke ka mmona, ho bolela Jehova? Ha ke re, mahodimo le lefatshe a tletse nna, ho bolela Jehova?

Daniele 7:9

Ka tadima ho fihlela diterone di ba di bewa, mme Moholo wa matsatsi a dula; seaparo sa hae se ne se le sesweu jwaloka lehlwa, moriri wa hlooho ya hae o ne o le mosweu jwaloka boya ba nku bo hlatswehileng; terone ya hae e ne e tswa malakabe a mollo, le mabidi a yona a ne a le jwaloka mollo o tukang.

Daniele 9:4

Ka etsa thapelo ya ka ho Jehova, Modimo wa ka, ka bolela melato ya rona, ka re: Oho, Morena, Modimo o moholo, o tshabehang, o bolokang selekane le mohau ho ba o ratang, ba yang ka melao ya hao,

Habakuke 1:12

Na ha o hlolehe tshimolohong, haesale, wena Jehova, Modimo wa ka, Mohalaledi wa ka? Re ke ke ra shwa? Jehova, setjhaba seo o se beetse ho ahlola; wena Lefika, o se lokiseditse ho kgalemela.