Diketso 8:35 - Sesotho 1909/1961 (SO)

³⁵ Yaba Filipi o ahlamisa molomo wa hae, a qala ka lengolo leo ho mmolella tsa Jesu.

BIBELE

³⁵ Jwale Filipi a bua, a qala ka temana ena, a mmolella molaetsa o molemo wa Jesu.

Baasraak Sotho NT

³⁵ Filipi a ahlamisa molomo wa hae, a qala ka lengolo leo, a mo bolella Evangeli ya Jesu.

Contemporary Southern Sotho Bible 2024

³⁵ Filipi a ahlamisa molomo wa hae, a qala ka lengolo leo, a mo bolella Evangeli ya Jesu.

Diketso 8:35 ပူးပေါင်းရင်းမြစ်များ

Mattheu 5:2

Yaba o ahlamisa molomo wa hae, a ba ruta, a re:

Luka 24:27

Yaba o qala ka Moshe, a isa ho baporofeta bohle, a ntse a ba hlalosetsa Mangolong wohle tseo a boletsweng ka tsona.

Diketso 10:34

Yaba Petrose o ahlamisa molomo, a re: Ke lemoha ka nnete hore Modimo ha o ye ka tshobotsi ya batho.

Diketso 11:20

Leha ho le jwalo, ba bang ho bona, e leng banna ba Sipera le ba Sirene, yare ha ba kena Antioke, ba bua le Bakgerike, ba ba bolella ditaba tsa Morena Jesu.

Diketso 17:18

Yaba bafilosofe ba bang ba Baepikure le ba Bastoike ba fetolana le yena; ba bang ba ne ba re: Na mobuabui eo o reng? ba bang ba re: Eka o bolela medimo esele. E ne e le ka baka la hobane a ne a ba bolella Jesu le tsoho ya bafu.

Diketso 18:28

Hobane o ne a hlola Bajuda pontsheng ka matla a maholo, a ba bontsha ka Mangolo hore Jesu ke Kreste.

Diketso 19:13

Yaba Bajuda ba bang, e leng dingaka tse reng di ntsha batemona, tse sollang hohle, ba leka ho bitsa lebitso la Morena Jesu hodima ba kenweng ke meya e mebe, ba re: Re a le laela ka Jesu ya bolelwang ke Pauluse.

Diketso 28:23

Eitse hobane ba mmeele letsatsi, ba tla ho yena ba le bangata moo a dutseng teng, mme a ba bolella, a paka tsa mmuso wa Modimo ho bona, a leka ho ba kgodisa bakeng sa Jesu, a isa ka molao wa Moshe le baporofeta, a qala hosasa ho fihlela mantsiboya.

Diketso 3:20

hore ho tle ho be ho fihle mehla ya kgatholoho ka ponahalo ya Morena, mme a rome Jesu Kreste, ya boletsweng pele ho lona,

Diketso 5:42

Ha ba ka ba phetsa ka matsatsi wohle ho ruta le ho bolela tempeleng le ka matlung, hore Jesu ke Kreste.

Diketso 8:34

Letona la botsa Filipi, la re: Ke a o rapela, ke re, na moporofeta o bolela taba eo bakeng sa mang? Na o a ipolela, kapa o bolela e mong na?

Diketso 9:20

A phakisa a bolela Jesu masinagogeng, a tiisa hore ke Mora wa Modimo.

1 Bakorinthe 1:23

empa haele rona, re bolela Kreste ya thakgisitsweng, e leng kgopiso ho Bajuda, le bohlanya ho Bagerike.

1 Bakorinthe 2:2

Hobane ke ne ke pheheletse hore ke se ke ka tseba letho le leng hara lona haese Jesu Kreste, le hona e le ya thakgisitsweng.

2 Bakorinthe 6:11

Helang! lona Bakorinthe, molomo wa rona o le ahlametse, pelo tsa rona di le ahlametse.

Baefese 4:21

ha le fela le mo mametse, mme le rutilwe ho yena kamoo nnete e leng ho Jesu kateng,