Diketso 26:11 - Sesotho 1909/1961 (SO)

¹¹ Masinagogeng wohle hangata ka ba tsohela matla, ka ba otla, ka ba qophella hore ba nyefole; mme kahobane ke ne ke ba halefetse haholoholo, ka ba hlorisa le ho isa metseng ya ditjhaba.

BIBELE

¹¹ Hangata, ka ho ba otla ka matlung wohle a thapelo, ka leka ho ba tlamella hore ba nyefole. Kaha ke ne ke ba halefetse ka ho fetisisa, ka ba hlorisa ho ya fihla le metseng e ka mathoko.”

Baasraak Sotho NT

¹¹ Mme ka ba otla hangata sinagogeng e nngwe le e nngwe, ka ba qobella ho nyefola; mme erekaha ke ne ke ba halefetse ka ho fetisisa, ka ba hlorisa ho isa metseng ya ditjhaba.

Contemporary Southern Sotho Bible 2024

¹¹ Mme ka ba otla hangata sinagogeng e nngwe le e nngwe, ka ba qobella ho nyefola; mme erekaha ke ne ke ba halefetse ka ho fetisisa, ka ba hlorisa ho isa metseng ya ditjhaba.

Diketso 26:11 ပူးပေါင်းရင်းမြစ်များ

Dipesaleme 102:8

Ke songwa ka matsatsi wohle ke dira tsa ka; ba ntse ba ntlhanyetsa, ba nka lebitso la ka ho hlapaola ka lona.

Moeklesia 9:3

Bobe bona bo ka ho tsohle tse etswang tlasa letsatsi, ke hoba kotsi e le nngwe e hlahela bohle; eba pelo tsa bana ba batho di tlala bobe, mme pelo tsa bona di tlala bowatla ho pheleng ha bona; kamora moo, ba ikela ho bafu.

Mattheu 10:17

Mme le tsohele batho masene; hobane ba tla le isa kgotla, ba le shape masinagogeng a bona.

Mareka 13:9

Tseo ke qalo ya tlokotsi. Empa lona le iponele: hobane ba tla le isa makgotleng le masinagogeng; le tla otlwa, le emiswe pela babusisi le marena ka baka la ka, le tle le be dipaki ho bona.

Mareka 3:28

Kannete ke re ho lona: Bara ba batho ba ka tshwarelwa dibe tsohle le dinyefolo tsohle tseo ba nyefotseng ka tsona.

Luka 15:17

Yaba moo a ikgopolang, a re: Bahlanka ba bangata hakakang ha ntate ba hlolwang ke bohobe; mme nna mona ke bolawa ke tlala!

Luka 21:12

Empa pele ho tseo tsohle, ba tla le tshwara ka matsoho a bona, ba le hlorise, ba le hulanyetse masinagogeng le diteronkong, ba le ise pela marena le babusisi, ka baka la lebitso la ka.

Luka 6:11

Ba tlala bohale, mme ba rera hammoho seo ba tla se etsa ho Jesu.

Diketso 13:45

Empa Bajuda yare ha ba bona bongata, ba tlala mona, ba hanyetsa ditaba tsa Pauluse, ba nganga, ba nyefola.

Diketso 18:6

Empa ha ba hana, mme ba nyefola, a hlohlora diaparo tsa hae, a re ho bona: Madi a lona a be hodima lihlooho tsa lona; haele nna, ke hlwekile bakeng sa wona; ho tloha jwale, ke ikela ho baditjhaba.

Diketso 22:19

Ka re: Morena, ba tseba haholo hobane ke nna ya neng a kenya teronkong, a shapa le masinagogeng ba dumetseng ho wena.

Diketso 22:5

kamoo le yena moprista e moholo a ka pakang kateng, le phutheho ya baholo kaofela; hobane ke ne ke nke le mangolo ho bona, ho a isa ho ba heso ba Damaseka, ka ba ka ya teng ho tlama ba thuto eo ba ahileng teng, le ho ba tlisa Jerusalema, hore ba otlwe.

Diketso 9:1

Empa Saule o ne a sa ntse a befetswe ho sokela le ho bolaya barutuwa ba Morena; a ya ho moprista e moholo,

Jakobo 2:7

Na hase bona ba nyefolang lebitso le letle leo le bitswang ka lona?

2 Petrose 2:16

Empa o ne a kgalemellwe bokgopo ba hae; esele e se nang puo, ya thibela bohlanya ba moporofeta ka lentswe le kang la motho.