Diketso 24:10 - Sesotho 1909/1961 (SO)

¹⁰ Pauluse, eitse hobane mmusisi a mo hwehle hore a bue, a araba, a re: Erekaha ke tseba hobane ho se ho le dilemo tse ngata o busa setjhaba sena, ke moo ke ikarabelang ka tshepo e fetisang.

BIBELE

¹⁰ Hoba mmusisi a mo hwehle hore a bue, Paulosi a araba, a re: “Ka ho tseba hore o bile moahlodi wa setjhaba sena ka dilemo tse ngata, ke thabela haholo ho ikarabella hodima tseo ke qoswang ka tsona.

Baasraak Sotho NT

¹⁰ Pauluse, ha mmusisi a mo hweditse hore a bue, a araba, a re: Erekaha ke tseba hobane o bile moahlodi wa setjhaba sena ka dilemo tse ngata, ke ikarabela ka thabo e kgolo.

Contemporary Southern Sotho Bible 2024

¹⁰ Pauluse, ha mmusisi a mo hweditse hore a bue, a araba, a re: Erekaha ke tseba hobane o bile moahlodi wa setjhaba sena ka dilemo tse ngata, ke ikarabela ka thabo e kgolo.

Diketso 24:10 ပူးပေါင်းရင်းမြစ်များ

Luka 12:11

Etlare ha ba le isa masinagogeng, le pela baholo le babusi, le se ke la belaella mokgwa oo le tla ikarabela ka wona, leha e le seo le tla se bolela;

Luka 12:14

Empa Jesu a re ho yena: Monna, ke mang ya mpeileng moahlodi, leha e le moaroledi wa lona?

Luka 18:2

A re: Moahlodi o ne a le teng motseng o itseng, ya sa tshabeng Modimo, mme le batho a sa re letho ka bona.

Diketso 12:17

A ba hwehla ka letsoho hore ba kgutse, mme a ba phetela kamoo Morena a mo ntshitseng teronkong kateng; a ba a re ho bona: Tsebisang Jakobo le baena taba tseo. A ntoo tswa, a ikela bakeng se seng.

Diketso 13:16

Yaba Pauluse o a ema, mme yare ha a ba hwehlile ka letsoho hore ba kgutse, a re: Banna ba Iseraele, le lona ba tshabang Modimo, mamelang!

Diketso 18:15

Empa ha ho tsekwa taba ya mantswe, le ya mabitso, le ya molao o ho lona, le tla iponela teng le nnotshi; hobane nna, ha ke rate ho ba moahlodi wa taba tse jwalo.

Diketso 19:33

Jwale ba ntsha Aleksandere hara bongata, a sutuletswa pele ke Bajuda; Aleksandere a hwehla ka letsoho, a rata ho ikarabela ho setjhaba.

Diketso 21:40

Eitse hobane a mo lesele, Pauluse ha a ntse a eme methating, a hwehla batho ka letsoho, mme ha ho itswe tu haholo, a bua ka puo ya Seheberu, a re:

Diketso 23:24

Le lokise le tse kallwang, tse tla palangwa ke Pauluse, mme a iswe ho Felikse, mmusisi, a pholohile.

Diketso 26:1

Jwale, Agripa a re ho Pauluse: O ka ikarabela. Yaba Pauluse o otlolla letsoho la hae, a ikarabela, a re:

1 Petrose 3:15

le mpe le tshabe Morena Jesu dipelong tsa lona, mme le itokisetse kamehla ho ikarabela, ka mosa le ka hlompho, ho ya le botsang tshepo e ho lona.

1 Samuele 2:25

Ha motho e mong a sitelwa e mong, Modimo o tla mo ahlola; empa ha motho a sitelwa Jehova, o tla rapellwa ke mang? Leha ho le jwalo, ba se ke ba utlwa lentswe la ntata bona, hobane Jehova o ne a se a hopotse ho ba timetsa.