Diketso 21:5 - Sesotho 1909/1961 (SO)

⁵ Ha re se re qetile matsatsi ao, ra tloha, ra tsamaya; ha e le bona ba re felehetsa bohle ho fihlela kantle ho motse, ba ena le basadi ba bona le bana; ra kgumama ka mangwele lebopong, ra rapela,

BIBELE

⁵ Ha re qetile matsatsi ao, ra tloha, ra tswela pele, bohle ba re felehetsa, ka basadi le ka bana, ho fihlela kantle ho motse. Ra kgumama lebopong la lewatle, ra rapela;

Baasraak Sotho NT

⁵ Eitse hobane re qete matsatsi ao, ra tloha, ra ikela; mme bohle ba re felehetsa, le basadi le bana, ho fihlela kantle ho motse;

Contemporary Southern Sotho Bible 2024

⁵ Eitse hobane re qete matsatsi ao, ra tloha, ra ikela; mme bohle ba re felehetsa, le basadi le bana, ho fihlela kantle ho motse;

Diketso 21:5 ပူးပေါင်းရင်းမြစ်များ

1 Marena 8:54

Salomone eitse ha a qeta ho beela Jehova thapelo eo le kopo eo yohle, a tsoha pela aletare ya Jehova, moo a neng a kgumamile ka mangole, a emiseditse matsoho a hae mahodimong.

2 Dikronike 20:13

Bajuda bohle ba ema jwalo pela Jehova, hammoho le bana ba bona ba banyenyane, le basadi ba bona le bara ba bona.

Nehemia 12:43

Tsatsing leo, Baiseraele ba hlaba mahlabelo a maholo, mme ba thaba, hobane Modimo o ne o ba thabisitse ka thabo e kgolo; esita le basadi le bana ba nna ba thaba, thabo ya Jerusalema ya ba ya utlwahala hole.

Dipesaleme 95:6

Tloong, re kgumameng, re inameng, re we ka mangole pela Jehova, Mmopi wa rona!

Mattheu 14:21

Mme ba jeleng e be e le banna ba batlileng ho ba dikete tse hlano, basadi le bana ba sa balwe.

Mareka 1:40

Motho ya jewang ke lepera a tla ho Jesu, a mo rapela, a kgumama ka mangwele pela hae, a re: Ha o rata, o na le matla a ho nntlafatsa.

Luka 22:41

A ntoo ya hojana le bona, sebaka se ka fihlewang ke lejwe ha le betswa; a kgumama ka mangwele a rapela,

Diketso 15:3

Yare ha ba romilwe jwalo ke kereke, ba ya ka la Fenisia le la Samaria, ba ntse ba bolela tshokoloho ya baditjhaba; baena kaofela ba ne ba thabela hoo haholo.

Diketso 17:10

Empa bosiu, baena ba phakisa ba isa Pauluse le Silase Berea. Hobane ba fihle teng, ba kena sinagogeng ya Bajuda.

Diketso 20:36

Eitse hobane a bolele taba tseo, a kgumama ka mangwele, a rapela le bona bohle.

Diketso 20:38

Haholo ba ne ba hlomohile ke taba eo a ba boleletseng yona, ha a itse, ba ke ke ba boela ba bona sefahleho sa hae. Mme ba mo felehetsa ho fihla sekepeng.

Diketso 9:40

Petrose a re, ba ke ba tswele ntle kaofela; yaba o kgumama ka mangwele, a rapela, a ntoo retelehela ho setopo, a re: Tabitha, tsoha! Yaba eo o tutubolla mahlo, mme ha a bona Petrose, a dula.

Joshua 24:15

Empa ha le sa rate ho sebeletsa Jehova, ikgetheleng kajeno eo le tla mo sebeletsa, leha e ka ba medimo e sebeleditsweng ke bontata lona mose wane wa noka, kapa medimo ya Baamore, bao le ahileng fatsheng la bona. Haele nna le ba ntlo ya ka, re tla sebeletsa Jehova.

Joshua 8:35

Ha ho a ka ha eba taba le e nngwe ya tseo Moshe a di laetseng, eo Joshua a sa kang a e bala pela phutheho yohle ya Iseraele, ho bile ho na le basadi, le bana ba banyenyane, le baditjhaba ba tsamayang le bona.