Diketso 20:37 - Sesotho 1909/1961 (SO)

³⁷ Yaba ba tshwarwa bohle ke ho lla haholoholo; ba itihela molaleng wa Pauluse, ba mo aka.

BIBELE

³⁷ Ha eba le seboko se seholo ho bohle, ba kopa Paulosi ka molala, mme ba mo aka.

Baasraak Sotho NT

³⁷ Yaba ba lla bohle haholo, ba itihela molaleng wa Pauluse, ba mo aka.

Contemporary Southern Sotho Bible 2024

³⁷ Yaba ba lla bohle haholo, ba itihela molaleng wa Pauluse, ba mo aka.

Diketso 20:37 ပူးပေါင်းရင်းမြစ်များ

Genese 45:14

Yaba o wela molaleng wa Benjamine, moenae, a lla, mme Benjamine le yena a llela molaleng wa hae.

Genese 46:29

Yaba Josefa o bofa koloi ya hae, a ya kgahlanyetsa Iseraele, ntatae, Goshene; eitse ha a fihla ho yena, a wela molaleng wa hae, a lla halelele molaleng wa hae.

2 Samuele 15:30

Jwale Davida a nyoloha moepeng wa thaba ya Mehlwaare, a hlwa a ntse a lla, hlooho ya hae e kgurumeditswe, a tsamaya, a rotse le dieta, le setjhaba sohle se ho yena se ikgurumeditse dihlooho, se ehlwa se ntse se lla.

1 Marena 19:20

Yaba Elisha o tlohela dipholo, a titimela ho Elia, a re: Ha nke ke ye ho aka ntate le mme, ke ntoo o latela. Yena a re: Eya, o be o boye; o bone ha ke o entseng?

2 Marena 20:3

Oho, Jehova, hopola hle kamoo ke tsamaileng pela hao kateng, ka nnete le ka pelo yohle, ka etsa ho leng hotle mahlong a hao. Mme Esekiase a lla haholo.

Esdrase 10:1

Esdrase a re a sa ntsane a rapela, a ipolela, a lla a kgumame pela ntlo ya Modimo, ha bokana ho yena phutheho e kgolo haholo ya Baiseraele, ho le banna le basadi le bana; setjhaba se ne se lla habohloko haholo.

Jobo 2:12

Eitse ha ba emisa mahlo ba sa le hojana, ba se ke ba mo tseba, mme ba phahamisa mantswe, ba lla, ba hahola e mong le e mong kobo ya hae, ba kubisetsa lerole sebakeng hodima dihlooho tsa bona.

Dipesaleme 126:5

Ba jalang ka meokgo, ba tla kotula ka mehoo ya thabo.

Luka 15:20

Yaba o tloha, a ya ho ntatae. Yare ha a sa le hole, ntatae a mmona, a mo utlwela bohloko, a matha, a itihela molaleng wa hae, a mo aka.

Baroma 16:16

Dumedisanang ka kako e halalelang. Dikereke tsa Kreste kaofela di a le dumedisa.

1 Bakorinthe 16:20

Baena bohle ba le dumedisa. Dumedisanang ka kako e halalelang.

2 Bakorinthe 13:12

Dumedisanang ka kako e halalelang. Bahalaledi bohle ba le dumedisa.

1 BaThesalonika 5:26

Dumedisang baena bohle ka kako e halalelang.

2 Timothea 1:4

ke ntse ke hopola meokgo ya hao, mme ke lakatsa haholo ho o bona, ke tle ke tlale thabo;

Tshenolo 21:4

Modimo o tla hlakola meokgo yohle mahlong a bona; lefu ha le sa tla hlola le eba teng; mme ha ho sa tla ba maswabi, leha e le ho bokolla, kapa bohloko; hobane tsa pele di fetile.

Tshenolo 7:17

hobane Konyana e hara terone e tla ba alosa, mme e tla ba isa didibeng tsa metsi a bophelo; mme Modimo o tla hlakola meokgo yohle mahlong a bona.

1 Samuele 20:41

Eitse hobane mohlankana a tsamaye, Davida a hlaha nqa borwa, a itihela fatshe ka sefahleho, a inama hararo, mme ba akana, ba lla haholo; haholo ha lla Davida.