Diketso 12:12 - Sesotho 1909/1961 (SO)

¹² Eitse hobane a imamele, a ya tlung ya Maria, mma Johanne ya reilweng Mareka, moo badumedi ba bangata ba neng ba phuthehetse teng, ba rapela.

BIBELE

¹² Hoba a elellwe jwalo, a ya tlung ya Maria, mma Johanne ya bitswang Mareka, moo ba bangata ba neng ba phuthehetse teng, ba rapela.

Baasraak Sotho NT

¹² Eitse hobane a nahane taba eo, a ya tlung ya Maria, mma Johanne, ya reilweng Mareka. moo ba bangata ba neng ba bokane ho rapela.

Contemporary Southern Sotho Bible 2024

¹² Eitse hobane a nahane taba eo, a ya tlung ya Maria, mma Johanne, ya reilweng Mareka moo ba bangata ba neng ba bokane ho rapela.

Diketso 12:12 ပူးပေါင်းရင်းမြစ်များ

Isaia 65:24

Etlare ba eso ho howe, ke tla be ke se ke ba arabile; etlare ba sa bolela, ke tla be ke se ke ba utlwile.

Diketso 12:25

Haele Barnabase le Saule yare ha ba phethile mosebetsi wa bona, ba tloha Jerusalema, ba ena le Johanne, ya reilweng Mareka.

Diketso 12:5

Petrose a nna a lebelwa teronkong jwalo; empa kereke yona e ne e sa phetse ho mo rapella ho Modimo.

Diketso 13:13

Pauluse le ba nang le yena, eitse hobane ba tlohe Pafose, ba fihla Perge, motse wa Pamfilia. Empa Johanne a kgaohana le bona, a kgutlela Jerusalema.

Diketso 13:5

Yare ha ba fihla Salamina, ba bolela lentswe la Modimo masinagogeng a Bajuda. Ba ne ba na le Johanne ya ba sebeletsang.

Diketso 16:40

Yare hobane ba tswe teronkong, ba ya ha Lidia, ba tshedisa baena; ba ntoo tloha.

Diketso 4:23

Eitse hobane ba lokollwe, ba kgutlela ho ba habo, ba ba tsebisa tsohle tseo ba di boleletsweng ke baprista ba baholo, le ke baholo.

BaKolose 4:10

Aristarke, ya tlamilweng le nna, o a le dumedisa; le motswala wa Barnabase, Mareka, eo le etseditsweng taelo ka baka la hae; ekare ha a etla ho lona, mo amoheleng.

2 Timothea 4:11

Luka o ho nna a nnotshi. O ntlele le Mareka, o mo tlise, hobane o molemo ho nna tshebetsong ya lentswe.

Filemone 1:24

o na le Mareka, le Aristarke, le Demase, le Luka, basebedisi ba ka.

1 Petrose 5:13

Ba kereke e Babilona, e kgethehileng jwaloka lona, le Mareka, mora wa ka, ba le dumedisa.