Deuteronoma 7:13 - Sesotho 1909/1961 (SO)

¹³ O tla o rata, a o hlohonolofatse, mme a o atise; o tla hlohonolofatsa ditholwana tsa popelo le tsa mobu wa hao, koro ya hao, le veine e ntjha ya hao, le ole ya hao, le ho tswalwang ke dikgomo tsa hao, le dikonyana tsa dinku tsa hao lefatsheng leo a anetseng bontatao, a re, o tla o fa lona.

BIBELE

¹³ O tla le rata, a le hlohonolofatse, a le ngatafatse. O tla hlohonolofatsa bana ba lona, le ditholwana tsa masimo a lona, le koro ya lona, le veine ya lona e ntjha, le ole ya lona. O tla ngatafatsa makgomo a lona, le mehlape ya lona e tla tswala mmoella, naheng eo a hlapanyeditseng bo-ntata lona hore o tla le nea yona.

Deuteronoma 7:13 ပူးပေါင်းရင်းမြစ်များ

Nehemia 9:32

Mme jwale, Modimo wa rona, Modimo o moholo, o matla, o tshabehang, o bolokang selekane le mohau; o se ke wa re, a manyenyane mahlomola ao a re hlahetseng, rona le marena a rona, le dihlooho tsa rona, le baprista ba rona, le baporofeta ba rona, le bontata rona, le setjhaba sa hao kaofela, haesale mehleng ya marena a Assiria ho tla fihla tsatsing la kajeno.

Jobo 1:10

Na ha o a ka wa mo sireletsa, yena le ntlo ya hae, le tsohle tsa hae, ka nqa tsohle na? Na ha o a ka wa atlisa mosebetsi wa matsoho a hae, le ho atisa mehlape ya hae lefatsheng na?

Jobo 42:12

Mme Jehova a hlohonolofatsa qetello ya Jobo ho fetisa qalo ya hae; a rua dinku tse dikete tse leshome le metso e mene, le dikamele tse dikete tse tsheletseng, le dipholo tse lekaneng dijoko tse sekete, le diesele tse sekete tse tshehadi.

Dipesaleme 1:3

O jwaloka sefate se hlomilweng pela metsi a kwellang, se beang ditholwana tsa sona ka kgwedi ya tsona, seo mahlaku a sona a sa foforeheng; seo a se etsang kaofela se a mo atla.

Dipesaleme 107:38

A ba hlohonolofatsa, a ba ngatafatsa haholo, ha a ka a fokotsa bongata jwa makgomo a bona.

Dipesaleme 11:7

Hobane Jehova o lokile, o rata ketso tse lokileng; batho ba lokileng ba boha sefahleho sa hae.

Dipesaleme 127:3

Bonang, bara ke lefa la Jehova, mme tholwana ya popelo ya mosadi ke moputso.

Dipesaleme 146:8

Jehova o tutubolla mahlo a difofu; Jehova o emisa ba inamisitsweng; Jehova o rata ba lokileng.

Eksoda 23:25

Sebeletsang Jehova, Modimo wa lona, mme o tla hlohonolofatsa bohobe ba hao le metsi a hao, mme lefu ke tla le kgelosa ho wena.

Diproverbia 10:22

Lehlohonolo la Jehova le entsha motho, hase mokgathala wa hae o mo ekeletsang leruo.

Diproverbia 15:9

Tsela ya e mobe ke manyala ho Jehova; empa o rata ya phehellang ho loka.

Levitike 26:9

Ke tla nne ke le tadime, ke le atise, ke le ngatafatse, mme ke tla tiisa selekane sa ka le lona.

Mattheu 6:33

Le mpe le batle mmuso wa Modimo le ho loka ha wona pele; mme dintho tseo tsohle le tla di ekeletswa.

Johanne 14:21

Ya nang le melao ya ka, mme a e boloka, ke yena ya nthatang; mme ya nthatang o tla ratwa ke Ntate; le nna ke tla mo rata, mme ke tla ipontsha yena.

Johanne 15:10

Ha le boloka melao ya ka, le tla dula leratong la ka, jwalokaha le nna ke bolokile melao ya Ntate, mme ke dutse leratong la hae.

Johanne 16:27

hobane Ntate o a le rata e le yena, kahobane le nthatile, mme le dumetse hoba ke tswa ho Modimo.

Deuteronoma 1:8

Bonang, ke beile lefatshe pela lona; kenang, mme le rue lefatshe leo Jehova a anetseng bontata lona, Abrahama, le Isaaka, le Jakobo, hore o tla le nea bona le ditloholo tsa bona kamora bona.

Deuteronoma 13:17

Ho ke ke ha eba letho la tse neetsweng anathema le kgomarelang matsoho a hao, hore Jehova a kgutle pefong ya bohale ba hae, mme a o hauhele, a o rekolohele, mme a o atise jwalokaha a anetse bontatao,

Deuteronoma 28:1

Etlare ha o utlwa lentswe la Jehova, Modimo wa hao, o itisa ho etsa ditaelo tsa hae tsohle tseo ke o laelang tsona kajeno, Jehova, Modimo wa hao, o tla o phahamisa ho feta ditjhaba tsohle tsa lefatshe.

Deuteronoma 28:11

Jehova o tla etsa hore dintho tsohle di tlale ho wena, ka ho atisa bana ba hao, le tse tswalwang ke makgomo a hao, le tse behwang ke naha ya hao, e leng lefatshe leo Jehova a anetseng bontatao hore o tla o nea lona.

Deuteronoma 30:5

Jehova, Modimo wa hao, o tla o busetsa lefatsheng leo bontatao ba kileng ba le rua, mme o tla le rua; mme o tla o etsa hantle, a o ngatafatse haholo ho fetisa bontatao.

Deuteronoma 7:7

Hase kahobane le fetisa ditjhaba tse ding ka bongata Jehova a le ratileng, a le kgethileng; hobane le setjhaba se senyenyane ho ditjhaba tsohle.