Deuteronoma 21:3 - Sesotho 1909/1961 (SO)

³ Ha ho tsebilwe motse o leng haufi le motho ya bolailweng, baholo ba motse oo ba tla nka kgomo ya sethole eo ho esong ho sebetswe ka yona, e esong ho hule jokong;

BIBELE

³ Ha ho fumanehile hore na motse o haufi le setopo ke ofe, baholo ba motse oo ba tla nka kgomo ya sethole hara mohlape. Sethole seo e be se eso ka se thapiswa, se eso ka se panwa.

Deuteronoma 21:3 ပူးပေါင်းရင်းမြစ်များ

Jeremia 31:18

Ke hlile ka utlwa Efraime ha a ikwahlaya, a re: O kile wa nkgalemela, mme ka kgalemelwa jwaloka pholwana e esong ho thapiswe; nkgutlisetse ha ka, ke tle ke kgutlele teng, hobane o Jehova, Modimo wa ka.

Numere 19:2

Hona ke taelo le molao oo Jehova a o beang ka ho re: Bolella bana ba Iseraele hore ba o tlisetse sethole sa kgomo se sekgunwana, se hlokang sekodi, se se nang bohole, se esong ho kenngwe jokong.

Deuteronoma 10:8

Mohlang oo, Jehova a kgetha leloko la Levi ho jara areka ya selekane sa Jehova, le ho ema pela Jehova, le ho mo sebeletsa, le ho hlohonolofatsa setjhaba ka lebitso la hae, ho fihlela la kajeno.

Deuteronoma 21:2

baholo ba hao le baahlodi ba hao ba tla tswa, ba lekanye sebaka se tlohang ho motho ya bolailweng ho isa metseng e kamathokong ka nqa tsohle.

Deuteronoma 21:4

baholo ba motse oo ba tla theosetsa sethole seo molapong oo metsi a wona a mathang kamehla, moo ho sa lengweng, le moo ho sa jalweng, mme teng molapong, ba tla roba molala wa sethole seo.

BaFilipi 2:8

Mme ha a hlahile a le jwaloka motho, o ikokobeditse, a iketsa ya utlwang ho isa lefung, e, le lefung la sefapano.

1 Samuele 6:7

Jwale, etsang koloi e ntjha; le nke le dikgomo tsa ditswetse tse pedi tse esong ho kenngwe jokong; le di bofe koloing; le kgethe manamane a tsona, le a ise hae.