Daniele 5:28 - Sesotho 1909/1961 (SO)

²⁸ Peres (karolo): Mmuso wa hao o arotswe, mme o neilwe Bamede le Bapersia.

BIBELE

²⁸ PARESINE ke ho re: Mmuso wa hao o arotswe, o neilwe Bamede le Maperesiya.”

Daniele 5:28 ပူးပေါင်းရင်းမြစ်များ

2 Dikronike 36:23

Ho itswe ke Siruse, morena wa Persia: Jehova, Modimo wa mahodimo, o nneile mebuso yohle ya lefatshe; o ntaetse hore ke mo hahele ntlo Jerusalema, naheng ya Juda. Hara lona bohle, mang le mang eo e leng wa setjhaba sa hae, Jehova, Modimo wa hae, a be le yena, mme a nyolohe!

Isaia 13:17

Bonang, ke tla tsosetsa Babilona Bamede ba sa reng letho ka silefera, ba sa kgahlisweng ke kgauta.

Isaia 21:2

Ke bontshitswe pono e tshabehang: Mohapi o a hapa, mosenyi o a senya. Nyoloha, Elame! wena Media, o lokise ntwa! Ke fedisa masisapelo wohle.

Isaia 47:11

Ka baka leo, tsietsi e tla o hlahela, eo o ke keng wa tseba ho e upa, bobe bo tla o wela hodimo, boo ho seng pheko eo o ka bo thibelang ka yona, le tshenyo eo o sa e tsebeng e tla tla hodima hao ka sehloho.

Jeremia 25:13

Mme ke tla hlahisetsa lefatshe leo mantswe wohle ao ke a boletseng bakeng sa lona, a ngodilweng kaofela bukeng ena, e leng se porofetilweng ke Jeremia hodima ditjhaba tsohle.

Jeremia 51:28

Le mo tsosetse ditjhaba, marena a Bamede, le mahosana a bona, le babusisi kaofela ba bona, le mafatshe wohle a matleng a bona.

Daniele 2:32

Hlooho ya setshwantsho seo e ne e le ya kgauta e tshekehileng, sefuba le matsoho a sona e le a silefera, mpa le matheka a sona e le a koporo, meomo e le ya tshepe,

Daniele 2:39

Kamora hao, ho tla hlaha mmuso o mong, o monyenyane ho wa hao, ho ntoo ba mmuso o mong wa boraro wa koporo, o tlang ho busa lefatshe lohle.

Daniele 5:31

mme Dariuse Momede a inkela mmuso, a le dilemo tse mashome a tsheletseng a metso e mmedi.

Daniele 6:28

Mme Daniele a nna a atleha mmusong wa Dariuse, le mmusong wa Siruse, Mopersia.

Daniele 6:8

Jwale, morena, o tiise taelo eo, mme o ngole molao o ke keng wa fetoha, jwalokaha molao wa Bamede le Bapersia e le molao o sa fetoheng.

Daniele 8:20

Pheleu eo o e boneng e ena le manaka a le mabedi, ke marena a Bamede le Bapersia;

Daniele 9:1

Ka selemo sa pele sa ho busa ha Dariuse, mora wa Assueruse, wa lesika la Bamede, ya neng a beilwe morena wa mmuso wa Bakalde,

Diketso 2:9

Rona bohle Bapartha, Bamede, Baelame, le ba ahileng Mesopotamia, le Judea, le le Kapadosia, le Ponto, le Asia,