Baroma 7:18 - Sesotho 1909/1961 (SO)

¹⁸ Hobane ke tseba hore ha ho molemo o ahileng ka ho nna, ke ho re, nameng ya ka; hobane haele ho rata, hona ho teng ho nna, empa haele ho etsa se molemo, ha ke ho fihlele.

BIBELE

¹⁸ Ke a tseba hore ha ho tse lokileng ka ho nna, ke ho re ka bothong ba ka, hobane le hoja ke rata ho etsa tse ntle, empa ketso ha e tshwane le thato.

Baasraak Sotho NT

¹⁸ Hobane ke a tseba hoba ho nna, ke ho re, nameng ya ka, ha ho dule ntho e molemo; empa ho etsa se molemo ha ke ho fumane.

Contemporary Southern Sotho Bible 2024

¹⁸ Hobane ke a tseba hoba ho nna, ke ho re, nameng ya ka, ha ho dule ntho e molemo; empa ho etsa se molemo ha ke ho fumane.

Baroma 7:18 ပူးပေါင်းရင်းမြစ်များ

Genese 6:5

Jehova a bona bolotsana ba batho hoba bo boholo lefatsheng, le hoba mmopo wa mehopolo yohle ya dipelo tsa bona o mobe feela ka matsatsi wohle.

Genese 8:21

Jehova a fofonela monko o monate, mme Jehova a re ka pelong ya hae: Nke ke ka boela ka rohaka lefatshe ka baka la batho, etswe mehopolo ya motho e le mebe le botjheng ba hae, mme nke ke ka boela ka otla dintho tsohle tse utlwang, jwalokaha ke tswa etsa.

Jobo 14:4

Na ho ka ntshuwa motho ya hlwekileng mothong ya ditshila? Le hanyenyane.

Jobo 25:4

Le jwale, motho a ka loka jwang pela Modimo? Ngwana wa mosadi a ka hlweka jwang na?

Dipesaleme 119:173

Letsoho la hao a le ke le nthuse, hobane ke ikgethetse ditemoso tsa hao.

Dipesaleme 119:176

Ke ntse ke phaila jwaloka nku e lahlehileng; o ke o batle mohlanka wa hao, hobane ha ke lebale ditaelo tsa hao.

Dipesaleme 119:32

Ke tla matha tseleng ya ditaelo tsa hao, ha o se o habolotse pelo ya ka.

Dipesaleme 119:40

Bona, ke hlolohetswe ditemoso tsa hao; o mphedise ka ho loka ha hao!

Dipesaleme 119:5

Oho! metsamao ya ka a e ke e tiiswe, ke tle ke boloke dikomelo tsa hao,

Dipesaleme 51:5

Bona, ke tswaletswe bokgopong, mme o nkemoletse sebeng.

Isaia 64:6

Athe kaofela ha rona re fetohile ntho e ditshila, ho loka ha rona kaofela ho jwaloka kobo e ditshila haholo, re ponne kaofela jwaloka mahlaku, makgopo a rona a ya le rona jwaloka sefefo.

Mattheu 15:19

Hobane mehopolo e mebe, dipolao, dipoko, mafebe, dikutso, diketselletso, le dinyefolo, di tswa pelong;

Luka 11:13

Mme ha esita lona ba lonya, le tseba ho nea bana ba lona dintho tse molemo, Ntata lona ya lehodimong o tla fetisisa hakakang ka ho nea Moya o Halalelang ho ba o kopang ho yena!

Johanne 3:6

Se tswetsweng ke nama, ke nama; mme se tswetsweng ke Moya, ke moya.

Baroma 13:14

Le mpe le ikapese ka Morena Jesu Kreste, mme le se ke la baballa nama ho e kgorisa ditakatsong tsa yona.

Baroma 7:15

Hobane seo ke se etsang ha ke se tsebe; hobane ha ke etse seo ke se ratang, empa ke etsa seo ke se hloileng.

Baroma 7:19

Hobane molemo oo ke o ratang, ha ke o etse, empa bobe boo ke sa bo rateng, bona ke a bo etsa.

Baroma 7:25

Ke leboha Modimo ka Jesu Kreste, Morena wa rona!

Baroma 7:5

Hobane, eitse ha re ne re sa le nameng, maikutlo a dibe, a halefiswang ke molao, a ne a sebetsa dithong tsa rona a tle a hlahise ditholwana tsa lefu.

Bagalata 5:17

Hobane nama e na le ditakatso tse lwantshang Moya, mme le wona Moya o na le ditakatso tse lwantshang nama; mme ntho tseo di emellane ho lwantshana, hore le tle le se ke la etsa tseo le di ratang.

Bagalata 5:24

Mme bao e leng ba Kreste, ba thakgisitse nama, le dithato, le ditakatso tsa yona.

BaFilipi 2:13

hobane Modimo ke wona o sebetsang ka ho lona ho rata le ho etsa, ka boithatelo ba wona.

BaFilipi 3:12

E seng hore ke se ke nkile moputso, leha e le hore ke se ke phethehile; empa ke ntse ke phalla hore ke tle ke hape seo Kreste le yena a nkgapetseng sona.

Tite 3:3

Hobane le rona kgale re ne re le dithoto, re le ba hanang ho utlwa, ba lahlehileng, ba buswang ke ditakatso le ke dikgahliso tse ngata, ba phelang lonyeng le mohonong, ba tshwanetseng ho hlouwa, ba hloyanang.

1 Petrose 4:2

a tle a se ke a hlola a sa phela ka ditakatso tsa batho, mehleng e sa setseng ho yena ho phela nameng ka yona, e mpe e be ka ho rata ha Modimo.