Baroma 6:18 - Sesotho 1909/1961 (SO)

¹⁸ Mme jwale, ha le holotswe sebeng, le fetohile bahlanka ba ho loka.

BIBELE

¹⁸ Le lokolotswe sebeng, le entswe makgoba a ho loka.

Baasraak Sotho NT

¹⁸ Erekaha le lokolotswe sebeng, le bile bahlanka ba ho loka.

Contemporary Southern Sotho Bible 2024

¹⁸ Erekaha le lokolotswe sebeng, le bile bahlanka ba ho loka.

Baroma 6:18 ပူးပေါင်းရင်းမြစ်များ

Dipesaleme 116:16

Oho Jehova, ke mohlanka wa hao; ke mohlanka wa hao ka sebele, mora wa lekgabunyane la hao. O lokolotse ditlamo tsa ka.

Dipesaleme 119:32

Ke tla matha tseleng ya ditaelo tsa hao, ha o se o habolotse pelo ya ka.

Dipesaleme 119:45

ke tla tsamaya tseleng e ahlameng, hobane ke batla ditemoso tsa hao.

Isaia 26:13

Jehova, Modimo wa rona, re kile ra buswa ke marena a mang, e seng wena; empa ke ka wena feela re rapelang lebitso la hao.

Isaia 54:17

Lerumo le leng le le leng le teetsweng ho o lwantsha, le ke ke la etsa letho; leleme le leng le le leng le tlang ho o tsohela matla ho o tsekisa, o tla le tswa. Ke lona lefa la bahlanka ba Jehova, le ho loka ha bona ho tswang ho nna, ho bolela Jehova.

Luka 4:18

Moya wa Morena o ho nna, kahobane o ntlotsitse; o nthomile ho bolella mafutsana Evangeli, ho fodisa ba pelo tse bohloko, ho bolella ba holehilweng hore ba tla lokollwa, le ba foufetseng hore ba tla boela ba bone, ho nea ba hloriswang sebaka sa ho ikela,

Johanne 8:32

le tla tseba nnete, mme nnete e tla le lokolla.

Johanne 8:36

Ka baka leo, ekare ha Mora a le lokolla etlaba le lokolotswe ka sebele.

Baroma 6:14

Hobane sebe se ke ke sa le busa, kahobane ha le pusong ya molao, empa le le pusong ya mohau.

Baroma 6:22

Empa jwale, ha le holotswe sebeng, mme le fetohile bahlanka ba Modimo, le ikotulela kgalalelo, mme bofello ke bophelo bo sa feleng.

Baroma 6:7

Hobane ya shweleng o lokolotswe sebeng.

Baroma 8:2

Hobane molao wa Moya wa bophelo, o leng ho Jesu Kreste, o nkgolotse molaong wa sebe le wa lefu.

Bagalata 5:1

Emang ke hona tokolohong eo Kreste a re lokolotseng ka yona, mme le se ke la boela la bofjwa jokong ya bohlanka.

1 Petrose 2:16

Etsang ka mokgwa o tshwanelang balokolohi, e seng ka ho etsa bolokolohi ba lona tshireletso ya bobe, le mpe le ipee bahlanka ba Modimo.