Baroma 4:20 - Sesotho 1909/1961 (SO)

²⁰ Ha a ka a belaela ka pallo ya Modimo ka ho se dumele, a mpa a ipha matla tumelong, a ntse a rorisa Modimo;

BIBELE

²⁰ Ha a a ka a belaela tshepiso ya Modimo ka ho se dumele, empa a matlafatswa ke tumelo, a tlotlisa Modimo.

Baasraak Sotho NT

²⁰ Ha aa ka a thekesela tšepisong ea Molimo ka ho se lumele; empa a tiya tumelong, a tlotlisa Modimo;

Contemporary Southern Sotho Bible 2024

²⁰ Ha aa ka a thekesela tšepisong ea Molimo ka ho se lumele; empa a tiya tumelong, a tlotlisa Modimo;

Baroma 4:20 ပူးပေါင်းရင်းမြစ်များ

Genese 15:6

Yaba o dumela Jehova, mme Jehova a mmalla ho dumela ha hae hore ke ho loka.

2 Marena 7:19

Tona eo e ne e fetotse monna wa Modimo, ya re: Le hoja Jehova a ka phunya masoba lehodimong, taba e jwalo na e ne e ka etsahala na? Elisha a re: Bona, o tla bona ka mahlo a hao, empa o ke ke wa ja tsa teng.

2 Marena 7:2

Tona ya morena eo a ikokotlelang ka letsoho la yona ya fetola monna wa Modimo, ya re: Na o re, le hoja Jehova a ka phunya masoba lehodimong, taba e jwalo e ka etsahala na? Elisha a re: O tla e bona ka mahlo a hao, empa o ke ke wa ja tsa teng.

Isaia 35:4

Ereng ho ba dipelo di tshohileng: Betang pelo, le se ke la tshaba! Bonang, Modimo wa lona o tla ka phetetso, e leng ho putsa ha Modimo; o tla tla, o le boloke.

Isaia 7:9

Motse wa moreneng wa Efraime ke Samaria, mme hlooho ya Samaria ke mora Remalia. Ha le sa dumele, ruri le ke ke la tiya.

Daniele 10:19

a re: Se tshabe, monna ya ratwang! Kgotso e be ho wena! Tiya pelo, tiya matla! A re a sa bua le nna, ka utlwa hobane ke filwe matla, ka re: Morena ka a ke a bue, etswe o mphile matla.

Daniele 11:32

Ka diqeko tsa hae o tla hulela ba tlolang selekane bokwenehing; empa setjhaba sa ba tsebang Modimo wa bona se tla tiya, se sebetse;

Haggai 2:4

Jwale, kgothala, Sorobabele! ho bolela Jehova; Kgothala, le wena Joshua, moprista e moholo, mora Jotsadake! Kgothalang, le lona setjhaba sohle sa naha ena, ho bolela Jehova, le be le sebetse; hobane ke na le lona, ho bolela Jehova wa makgotla;

Sakaria 8:13

Jwalokaha le kile la ba thohako hara ditjhaba, lona ntlo ya Juda, le lona ntlo ya Iseraele, ke tla le pholosa jwalo, mme le tla ba hlohonolofalo. Se tshoheng, matsoho a lona a ke a tiye!

Sakaria 8:9

Ho itswe ke Jehova wa makgotla: Matsoho a lona a ke a tiye, lona ba utlwang mantswe ana a tswang melomong ya baporofeta tshiung tsena, e leng tseo ho theilweng ka tsona ntlo ya Jehova wa makgotla, e leng tempele, hore e hahuwe.

Mattheu 9:8

Bongata ha bo bona hoo, ba tsota, mme ba rorisa Modimo, kahobane o neile batho matla a makalo.

Luka 1:18

Sakaria a re ho lengeloi: Taba tseo ke tla di tseba kang? hobane ke se ke hodile, mosadi wa ka le yena o se a tsofetse.

Luka 1:45

Ho lehlohonolo ya dumetseng; hobane ditaba tseo a di boleletsweng ke Morena di tla etsahala.

1 Bakorinthe 16:13

Fadimehang, le tiye tumelong; le etse ka senna, le matlafale.

2 Bakorinthe 12:10

Ke ka baka leo ke ithatelang mefokolong, le dinyefolong, le bohloking, le dihlorisong, le mahlomoleng, ka baka la Kreste; hobane mohla ke fokolang, eba ke mohla ke nang le matla.

Baefese 6:10

Qetellong, banabeso, tiyang Moreneng le matleng a hae a sa sitweng ke letho.

2 Timothea 2:1

Haele wena, mora ka o iphe matla mohaung o ho Jesu Kreste.

1 Samuele 30:6

Kahoo, Davida a tsieleha haholo, hobane le batho ba ne ba bolela taba ya ho mo tlepetsa ka majwe, hobane pelo tsa bohle di ne di baba, e mong le e mong ka baka la bara ba hae le la baradi ba hae; empa Davida a ikgothatsa ka Jehova, Modimo wa hae.