BaHebheru 11:33 - Sesotho 1909/1961 (SO)

³³ Bao bohle ka tumelo ba hlotse marena, ba sebeditse ho loka, ba ruile dipallo, ba thibile melomo ya ditau;

BIBELE

³³ Ka tumelo batho bao ba ile ba fenya mebuso, ba etsa tse lokileng, ba fumana tseo ba neng ba di tshepisitswe. Ba bolaya ditau,

Baasraak Sotho NT

³³ Bao ka tumelo ba ileng ba hlola mebuso, ba sebetsa ho loka, ba fumana dipallo, ba thiba melomo ya ditau;

Contemporary Southern Sotho Bible 2024

³³ Bao ka tumelo ba ileng ba hlola mebuso, ba sebetsa ho loka, ba fumana dipallo, ba thiba melomo ya ditau;

BaHebheru 11:33 ပူးပေါင်းရင်းမြစ်များ

2 Samuele 10:12

Etsa ka senna, o iphe matla ho lwanela setjhaba sa heso le metse ya Modimo wa rona, mme Jehova a ke a etse kamoo a ratang kateng.

2 Samuele 8:15

Davida ya eba morena wa Baiseraele bohle, mme Davida a etsa setjhaba sohle ka ho loka le ka bokgabane.

1 Marena 13:28

A ya, a fumana setopo se namaletse tseleng, esele le tau di eme pela setopo; tau e ne e sa ka ya eja setopo; e ne e sa ka ya robokela le esele.

Dipesaleme 144:10

wena ya neang marena poloko, wena ya namoletseng mohlanka wa hao, Davida lerumong le bolayang.

Dipesaleme 91:13

O tla hata tau le qowane, o hatakele tawana le noha.

Mattheu 5:12

Thabang, le hlasimolohe ka ho nyakalla; hobane moputso wa lona o tla ba moholo lehodimong; hobane ba hlorisitse jwalo baporofeta ba bileng teng pele ho lona.

Bagalata 3:16

Mme jwale, dipallo di etseditswe Abrahama le leloko la hae; ha ho thwe, meloko, jwaloka hoja ho bolelwa e mengata, empa ka ho lekanya le le leng feela, ho itswe: Le ho leloko la hao, e leng Kreste.

2 Timothea 4:17

Empa Morena a nkemela, mme a nkenya matla, hore polelo ya Evangeli ya hae e phethehe ka nna, mme ditjhaba tsohle di e utlwe; mme ke namoletswe molomong wa tau.

BaHebheru 10:36

Hobane le tshwanetse ho ba le mamello, le tle le etse thato ya Modimo, le tle le ntoo kotula tseo le di tshepisitsweng.

BaHebheru 11:17

Ka tumelo, Abrahama, mohla a lekwang, a hlahisa Isaaka; ya neng a neilwe dipallo, o hlahisitse mora ya mong ho yena;

Jakobo 2:18

Empa e mong o tla re: Wena, o na le tumelo; nna, ke na le mesebetsi; mpontshe he tumelo ya hao ho se mesebetsi, mme nna ke tla o bontsha tumelo ya ka ka mesebetsi ya ka.

1 Petrose 5:8

Le tsohe masene, le fadimehe; hobane Diabolose, e leng sera sa lona, o ntse a dikadika jwaloka tau e purumang, e batlang eo e ka mo jang.

Baahlodi 4:1

Eitse hobane Ehude a timele, bana ba Iseraele ba boela ba etsa ho leng hobe pela Jehova.

1 Samuele 12:4

Ba re: Ha o a ka wa re tlatlapa letho; ha o a ka wa re tshwenya, ha o a ka wa amohela letho matsohong a e mong.