Bagalata 6:4 - Sesotho 1909/1961 (SO)

⁴ Empa e mong le e mong a ke a leke mesebetsi eo e leng ya hae, mme ke moo a tla ba le sebaka sa ho ithorisa ka tsa hae, e seng ka tsa ba bang.

BIBELE

⁴ Motho ka mong a hlahlobe diketso tsa hae, e be hona a ka ithorisang ka seo a leng sona feela, e seng ka ho ipapisa le ba bang,

Baasraak Sotho NT

⁴ Empa e mong le e mong a ke a leke mosebetsi wa hae, mme ke moo a tla ba le thabo ka ho yena a nnotshi, e seng ho e mong.

Contemporary Southern Sotho Bible 2024

⁴ Empa e mong le e mong a ke a leke mosebetsi wa hae, mme ke moo a tla ba le thabo ka ho yena a nnotshi, e seng ho e mong.

Bagalata 6:4 ပူးပေါင်းရင်းမြစ်များ

Jobo 13:15

Bonang, o ka mpolaya, ha ho sa le kamoo nka tshepang kateng. Ke mpa ke rata ho hlahisa mekgwa ya ka pela wona;

Dipesaleme 26:2

O ntekole, Jehova, o batlisise ho nna! O leke letheka la ka le pelo ya ka!

Diproverbia 14:14

Ya pelo e ikgakanyang o tla tenwa ke mekgwa ya hae; empa motho ya lokileng o tla thabiswa ke diketso tsa hae.

Luka 18:11

Mofarisi a ema, mme a iketsetsa thapelo, a re: Modimo, ke a o leboha ha ke se jwaloka batho ba bang, e leng mashodu, le bakgopo, le bafebi, leha e le jwaloka molekgetho enwa.

1 Bakorinthe 11:28

Motho ka mong a ke a itekole ke hona, mme jwale e be hona a jang bohobe bona, a nwelang senwelong sena.

1 Bakorinthe 3:14

Ekare ha mosebetsi oo e mong a o hahileng hodima motheo o sala, yena o tla putswa.

1 Bakorinthe 3:8

Mme ya hlomang le ya nosetsang ke ntho e le nngwe feela; mme e mong le e mong o tla amohela moputso oo e leng wa hae, ka tekanyo ya mosebetsi oo e leng wa hae.

2 Bakorinthe 1:12

Hobane thoriso ya rona ke ho emelwa ke letswalo la rona, hoba re tsamaile lefatsheng, haholoholo hara lona, ke pelo e hlokang mano le ka nnete ya Modimo, e seng ka bohlale ba nama, empa e leng ka mohau wa Modimo.

2 Bakorinthe 13:5

Itekoleng e le lona, le tle le bone ha le le tumelong; itekeng e le lona; na ha le itemohele hoba Kreste o ka ho lona, haese hoba mohlomong le le ba se nang ho amohelwa!

Bagalata 6:13

Kanthe esita le bona ba bollang, ha ba boloke molao; empa ba rata ha le ka bolla, ba tle ba ithorise ka nama ya lona.

BaFilipi 1:26

hore ho ithorisa ha lona ka nna ho tle ho eketsehe ho Jesu Kreste, ha ke boetse ke le teng ho lona.