Bagalata 6:2 - Sesotho 1909/1961 (SO)

² Jarelanang diphahlo, mme le phethe jwalo molao wa Kreste.

BIBELE

² Jarelanang mefokolo, mme ka hona le tla phetha molao wa Kreste.

Baasraak Sotho NT

² Jarelanang merwalo, mme kahoo le phethahatse molao wa Kreste.

Contemporary Southern Sotho Bible 2024

² Jarelanang merwalo, mme kahoo le phethahatse molao wa Kreste.

Bagalata 6:2 ပူးပေါင်းရင်းမြစ်များ

1 Dikronike 19:12

A re ho yena: Ha Basiria ba ka nkimela, o tle, o tlatsetse ho nna; ha bana ba Ammone ba o imela, ke tla tlatsetsa ho wena.

Eksoda 23:5

Leha o bona esele ya ya o hloileng e imetswe ke phahlo ya yona, o se ke wa e tlohela o sa e imolla, o ntoo tloha le yona.

Isaia 58:6

Ho itima dijo hoo ke ho ratang, na hase hore o tlamolle mahlaahlela a bolotsana, o kgaole marapo a joko, o lokolle ba etseditsweng boima, o robe dijoko kaofela na?

Mattheu 8:17

hore ho etsahale ho boletsweng ke moporofeta Esaia, ha a re: O inketse mefokolo ya rona, o ipelesitse malwetse a rona.

Luka 11:46

Jesu a re: Ho madimabe le lona, baruti ba molao; hobane le jarisa batho diphahlo tse ba imelang, mme lona, le hana ho ama diphahlo tseo leha e le ka o mong wa menwana ya lona.

Johanne 13:34

Ke le nea molao o motjha, ke hore le ratane; jwalokaha ke le ratile, ratanang jwalo le lona.

Johanne 15:12

Molao wa ka ke hoba le ratane, jwalokaha ke le ratile.

Baroma 15:1

Jwale, rona ba matla, re tshwanetse ho jara mefokolo ya ba fokolang, mme re se ke ra batla ho kgahlisang rona feela.

Baroma 8:2

Hobane molao wa Moya wa bophelo, o leng ho Jesu Kreste, o nkgolotse molaong wa sebe le wa lefu.

1 Bakorinthe 9:21

ho ba seng katlasa molao, ke ikentse ya seng katlasa molao, leha ke se ya se nang molao ka nqa ho Modimo, athe ke molaong wa Kreste, ke tle ke rue ba seng katlasa molao;

Bagalata 6:5

Hobane e mong le e mong o tla jara phahlo eo e leng ya hae.

Deuteronoma 1:12

Nka jara jwang ke nnotshi phahlo ya lona, le boima ba lona, le ditseko tsa lona?

1 BaThesalonika 5:14

Hape, banabeso, re a le rapela, hore le ke le lokise ba sa yeng ka molao, le tshedise ba pelo di tepeletseng, le tiise ba fokolang, mme le be le mamello ho bohle.

Jakobo 1:25

Empa ya shebisisang molaong o phethehileng, e leng wa tokoloho, mme a tiisetsa teng, e se moutlwi ya hakwang, empa e le moetsi ya sebetsang, motho eo o tla ba le lehlohonolo ho etseng ha hae.

Jakobo 2:12

Buang, mme le etse ka mokgwa o tshwanelang ba tlang ho ahlolwa ke molao wa tokoloho.

Jakobo 2:8

Ha le phetha molao oo e leng morena hara melao, kamoo o ngodilweng kateng ka ho re: Rata wa heno jwalokaha o ithata, le etsa hantle.

1 Petrose 2:24

yena ya jereng dibe tsa rona mmeleng wa hae sefapanong, hore re shwe ka nqa ya dibe, re tle re phelele ho loka; eo le fodisitsweng ka matetetso a hae.

2 Petrose 2:21

Hobane ho ne ho ka fetisa ka molemo ho bona hore ba se ke ba tseba tsela ya ho loka, ho ena le hore ba kgelohe molao o halalelang oo ba o neilweng, ha ba se ba o tsebile.

2 Petrose 3:2

le tle le hopole ditaba tse boletsweng pele ke baporofeta ba halalelang, le molao wa Morena Mmoloki, oo le o beetsweng ke baapostola ba lona;

1 Johanne 4:21

Mme re filwe ke wona taelo ena, e reng: Ya ratang Modimo a rate le ngwanabo.