Bagalata 1:23 - Sesotho 1909/1961 (SO)

²³ di ne di utlwile feela, ha ho thwe: Ya neng a re hlorisa pele, jwale o bolela tumelo eo a neng a e ripitla pele.

BIBELE

²³ di ne di utlwile feela ha ho thwe: “Ya neng a re hlorisa mehleng e fetileng, jwale o bolela molaetsa o molemo wa tumelo eo a neng a leka ho e fedisa.”

Baasraak Sotho NT

²³ Empa ba ne ba utlwile feela, ho thwe: Ya neng a re hlorisa mehleng e fetileng, jwale o bolela molaetsa wa tumelo eo a neng a e timetsa pele.

Contemporary Southern Sotho Bible 2024

²³ Empa ba ne ba utlwile feela, ho thwe: Ya neng a re hlorisa mehleng e fetileng, jwale o bolela molaetsa wa tumelo eo a neng a e timetsa pele.

Bagalata 1:23 ပူးပေါင်းရင်းမြစ်များ

Diketso 19:13

Yaba Bajuda ba bang, e leng dingaka tse reng di ntsha batemona, tse sollang hohle, ba leka ho bitsa lebitso la Morena Jesu hodima ba kenweng ke meya e mebe, ba re: Re a le laela ka Jesu ya bolelwang ke Pauluse.

Diketso 6:7

Lentswe la Modimo le ne le ntse le tswela pele; mme barutuwa ba ne ba anafala haholo Jerusalema, ha ba ha dumela le baprista ba bangata.

Diketso 9:13

Empa Ananiase a araba, a re: Morena, ke utlwile ke ba bangata ditaba tsa monna eo, kamoo a entseng bakgethwa ba hao hampe kateng, Jerusalema;

Diketso 9:20

A phakisa a bolela Jesu masinagogeng, a tiisa hore ke Mora wa Modimo.

Diketso 9:21

Ba mo utlwang kaofela ba ne ba makala, ba re: Na eo hase yena ya neng a hlorisa hampe ba rapelang lebitso leo Jerusalema, a bile a tlile le mona ho ba tlama le ho ba isa ho baprista ba baholo na?

Diketso 9:26

Saule eitse ha a fihla Jerusalema, a leka ho kopana le barutuwa; empa ba ne ba mo tshaba kaofela, ba se ke ba dumela hobane e se e le morutuwa.

Bagalata 6:10

Ka baka leo, ha re sa na le sebaka, a re etseng bohle hantle, empa haholo ba ntlo ya tumelo.