Baahlodi 9:49 - Sesotho 1909/1961 (SO)

⁴⁹ Kahoo, batho bohle ba rema e mong le e mong lekala, ba latela Abimeleke; ba bea makala pela qhobosheane, mme ba tjhesa qhobosheane hammoho le ba leng ho yona. Batho bohle ba tora ya Sikeme ba eshwa jwalo, e batlile e eba sekete sa banna le basadi.

BIBELE

⁴⁹ Batho bohle ba mo etsisa, e mong le e mong a ithemela lekala. Ba latela Abimeleke, ba tshetleha makala qhobosheaneng, ba tjhesa qhobosheane ka makala ao. Batho bohle ba neng ba le ka toreng ya Shekeme, bao e neng e ka ba banna le basadi ba sekete, ba eshwa.

Baahlodi 9:49 ပူးပေါင်းရင်းမြစ်များ

Bagalata 5:15

Empa ekare ha le lomana, mme le jana, iponeleng esebe la fedisana.

Jakobo 3:16

Hobane moo mona le kgang di leng teng, ke moo ho leng moferefere le mesebetsi yohle e mebe.

Baahlodi 9:15

Moutlwa wa re ho difate: Ha ekaba ke ka nnete le ntlotsang hore ke be morena wa lona, tlong, le tshabele moriting wa ka; ha ho se jwalo, mollo o ke o tswe moutlweng, o je dikedare tsa Lebanone.

Baahlodi 9:20

Ha ho se jwalo, mollo o ke o tswe ho Abimeleke, mme o je beng ba Sikeme le ba ntlo ya Millo; mollo o ke o tswe le ho beng ba Sikeme le ba ntlo ya Millo, mme o je Abimeleke!

Baahlodi 9:48

Yaba Abimeleke o hlwa thabeng ya Tsalmone, a ena le batho bohle bao a nang le bona; Abimeleke a nka selepe ka letsoho la hae; a rema lekala la sefate, a le nka, a le bea lehetleng, a re ho batho bao a nang le bona: Phakisang le etse jwalokaha le mpone ke etsa.

Baahlodi 9:50

Abimeleke a ntoo ya Thebetse, a thibella Thebetse, a o kena.