Baahlodi 9:43 - Sesotho 1909/1961 (SO)

⁴³ Yaba o nka batho ba hae, a ba arola hlopha tse tharo, mme a ba bea ho lalla naheng. Eitse ha a tadima, a bona batho ba etswa motseng; mme a nehella ho bona, a ba bolaya.

BIBELE

⁴³ Yaba Abimeleke o nka banna ba hae, o ba arola dihlopha tse tharo, o ilo lalla naheng. Yare ha a tadima, a bona banna ba etswa motseng; a ba lwantsha, a ba bolaya.

Baahlodi 9:43 ပူးပေါင်းရင်းမြစ်များ

2 Samuele 18:2

Karolo ya boraro ya setjhaba, Davida a e laola le Joabe; karolo e nngwe ya boraro le Abishai mora Tseruja, ngwanabo Joabe; le karolo e nngwe ya boraro le Ittai wa Gathe. Morena a ba a re ho setjhaba: Le nna ke tla ya le lona.

Baahlodi 9:42

Ka le hlahlamang, batho ba tswela naheng, mme Abimeleke a tsebiswa.

Baahlodi 9:44

Abimeleke le dihlopha tseo a nang le tsona ba titima, ba fihla kgorong ya motse; hlopha tse pedi tse ding tsona tsa phallela bohle ba naheng, tsa ba bolaya.

1 Samuele 11:11

Hosasa, Saule a hlopholla setjhaba, a etsa makgotla a mararo; ba kena hara diahelo ka nako ya tebelo ya meso, mme ba bolaya Baammone, ya ba ya eba motshehare; ba phonyohileng ba qhalanngwa, ha ba ha hlokahala ba tsamayang ka bobedi.