Baahlodi 7:19 - Sesotho 1909/1961 (SO)

¹⁹ Ha ho le jwalo, Gideone a tsamaya le batho ba lekgolo bao a nang le bona, ba fihla pheletsong ya diahelo, ho sa qalwa tebelo ya bosiu bo boholo, ho sa tswa bewa balebedi. Ba letsa diterompeta, mme ba pshatla dinkgo tse matsohong a bona.

BIBELE

¹⁹ Ka mokgwa o jwalo Gideone le banna ba nang le yena ba fihla thekong e kathokothoko ya diahelo hara mpa ya bosiu, ha ho kena balebedi ba bosiu. Ba letsa manaka, ba pshatla mepotjwana e matsohong a bona.

Baahlodi 7:19 ပူးပေါင်းရင်းမြစ်များ

Dipesaleme 2:9

O tla di thumakanya ka molamu wa tshepe, o di silakanye jwaloka pitsa ya letsopa.

Dipesaleme 90:4

Hobane dilemo tse sekete mahlong a hao di jwaloka tsatsi la maobane, ha le se le fetile, le jwaloka tebelo ya bosiu.

Eksoda 14:24

Ka tebelo ya meso, Jehova a shadima lekgotla la Baegepeta a le topallong ya mollo le ya leru, mme a tsherehanya lekgotla la Baegepeta.

Mattheu 25:6

Yare bosiu bo boholo, ha etswa mohoo, ha thwe: Bonang, monyadi ke eo; tswang, le mo kgahlanyetse.

1 BaThesalonika 5:2

Le tswe le tseba hantlentle le lona hoba letsatsi la Morena le tla hlaha jwaloka leshodu la bosiu.

Tshenolo 16:15

Bonang, ke tla jwaloka leshodu. Ho lehlohonolo ya lebelang, ya bolokang diaparo tsa hae, hore a tle a se ke a tsamaya a le feela, mme dihlong tsa hae di se ke tsa bonahala!

Baahlodi 7:16

A arola ba makgolo a mararo dihlopha tse tharo, a nea e mong le e mong terompeta letsohong la hae, le dinkgo tse feela tse nang le dirumula kahare ho tsona.

Baahlodi 7:18

Etlere ha ke letsa terompeta, nna le bohle bao ke nang le bona, le lona le letse diterompeta ka nqa tsohle ho diahelo, le re: Ka Jehova le Gideone.

Baahlodi 7:20

Yaba dihlopha tse tharo di letsa diterompeta, tsa pshatla dinkgo, mme ba tshwara e mong le e mong serumula ka letsoho le letshehadi, le terompeta ka letsoho le letona, ba di letsa, ba howa, ba re: Sabole ya Jehova le ya Gideone!