Baahlodi 21:14 - Sesotho 1909/1961 (SO)

¹⁴ Ka tsatsi leo, Babenjamine ba kgutla, mme ba newa basadi ba pholositsweng ba Jabeshe-Gileade; ba mpa ba sa ka ba ba lekana.

BIBELE

¹⁴ Ka yona nako eo ba morabe wa Benjamine ba kgutla. Baiseraele ba ba nea basadi bao ba ileng ba ba pholosa hara basadi ba Jabeshe-Gileade, empa basadi bao ba se ke ba ba lekana.

Baahlodi 21:14 ပူးပေါင်းရင်းမြစ်များ

1 Bakorinthe 7:2

Empa ka baka la ho tshaba bofebe, monna ka mong a be le mosadi eo e leng wa hae, le mosadi ka mong a be le monna eo e leng wa hae.

Baahlodi 20:47

Empa banna ba makgolo a tsheletseng ba kgeloha, ba balehela feelleng, lefikeng la Rimmone, mme ba dula lefikeng la Rimmone kgwedi tse nne.

Baahlodi 21:12

Ba ya, mme hara ba ahileng Jabeshe-Gileade ba fumana barwetsana ba makgolo a mane, ba esong ho tsebe monna ka ho robala le yena, mme ba ba tlisa diahelong, Silo, naheng ya Kanana.

Baahlodi 21:13

Yaba phutheho yohle ya romela ho kopanya puo le bana ba Benjamine ba dutseng lefikeng la Rimmone, ha hoeletswa ho bona hore kgotso e teng.

Baahlodi 21:15

Setjhaba sa nna sa swabela Babenjamine, kahobane Jehova a entse sekgeo melokong ya Iseraele.

Baahlodi 21:22

Etlare ha bontata bona, kapa kgaitsedi tsa bona, ba tla ho le qosa pela rona, re tla re ho bona: Le ba hauhele bakeng sa rona, hobane ha re a ka ra ba hapela bohle basadi ntweng; haele lona, kamoo le sa kang la ba neela baradi ba lona kateng, ha le na molato.

Baahlodi 21:8

Ke ha ba tla re: Ana ke bafe ba meloko ya Iseraele ba sa kang ba nyolohela ho Jehova, Mitspe, na? Yaba ba fihlela hobane ho se le a mong wa Jabeshe-Gileade ya nyolohetseng diahelong le phuthehong.