Baahlodi 20:11 - Sesotho 1909/1961 (SO)

¹¹ Kahoo, banna ba Iseraele kaofela ba bokanela motse oo, ba kopana jwaloka hoja ke motho a le mong.

BIBELE

¹¹ Kahoo banna bohle ba Iseraele ba futuhela motse oo ba ikentse kgokanyana phiri.

Baahlodi 20:11 ပူးပေါင်းရင်းမြစ်များ

Baahlodi 20:1

Yaba bana ba Iseraele bohle ba tswa, ho tloha Dane le ho isa Beerseba, le naheng ya Gileade, mme Baiseraele ba phuthehela Mitspe pela Jehova, jwaloka hoja ke motho a le mong.

Baahlodi 20:10

Ho ke ho kgethwe, melokong yohle ya Iseraele, banna ba leshome hara ba lekgolo, le ba lekgolo hara ba sekete, le ba sekete hara ba dikete tse leshome, ba tle ba latele setjhaba mofaho, mme re ye Gibea wa Benjamine, mme re ba etse ka manyala wohle a entsweng ke bona Iseraeleng.

Baahlodi 20:12

Yaba ba meloko ya Iseraele ba romela banna ho leloko lohle la Benjamine, ba re: Bobe bo entsweng hara lona ke bo jwang?

Baahlodi 20:8

Yaba setjhaba kaofela se ema jwaloka hoja ke motho a le mong, sa re: Ha ho e mong wa rona ya tla kgutlela hae tenteng ya hae, leha e le ho ipoella hae tlung ya hae.

1 Samuele 18:1

Eitse hobane Davida a qetelle ho bua le Saule, pelo ya Jonathane ya holehana le pelo ya Davida, mme Jonathane a mo rata, jwalokaha a ithata.