Baahlodi 19:16 - Sesotho 1909/1961 (SO)

¹⁶ Mme bonang, monna ya tsofetseng o ne a oroha masimong, mosebetsing wa hae, e le ka shwalane, e le monna wa thaba ya Efraime, a mpa a aheletse Gibea; athe batho ba motse oo e ne e le Babenjamine.

BIBELE

¹⁶ Ka phirimana ha tla monnamoholo a etswa mosebetsing wa hae masimong. Monna eo o ne a etswa naheng e maralla ya Efraime, a jakile Gibea, empa batho ba moo e ne e le ba morabe wa Benjamine.

Baahlodi 19:16 ပူးပေါင်းရင်းမြစ်များ

Genese 3:19

O tla ja bohobe ka mofufutso wa phatla ya hao, o be o kgutlele mobung oo o ntshitsweng ho wona; hobane o lerole, mme o tla kgutlela leroleng.

Dipesaleme 104:23

Ebe motho o tswela tshebetsong ya hae le mosebetsing wa hae ho fihlela mantsiboya.

Dipesaleme 128:2

E, o tla ja ditholwana tsa mesebetsi ya matsoho a hao. Menono le lehlohonolo di be ho wena!

Diproverbia 13:11

Maruo a batlilweng ka mano a tla nne a qephe; empa ya a bokellang ka ho sebetsa, o tla atelwa ke wona.

Diproverbia 14:23

Mosebetsi ka mong o na le moputso; empa ho qamota feela ho qephisa maruo.

Diproverbia 24:27

Hleka mosebetsi wa hao kantle, o lokise le tshimo ya hao; hamorao o tla tseba ho haha ntlo ya hao.

Moeklesia 1:13

Ke ntho e tenang eo Modimo o e neileng bana ba batho, hore be ikgathatse ka yona.

Moeklesia 5:12

Boroko ba motho ya sebetsang bo monate, leha a eja haholo, leha a eja hanyenyane; empa kgora ya morui ha e mo fe boroko.

Hosea 9:9

Ba itshentse hampempe jwaloka mohla Gibea. Modimo o tla hopola makgopo a bona, o kgalemele dibe tsa bona.

Baefese 4:28

Ya neng a utswa, a se ke a hlola a utswa, a mpe a ineele ho sebetsa dintho tse molemo ka matsoho a hae, a tle a tsebe ho nea ya hlokang.

2 BaThesalonika 3:10

Hobane enere ha re sa le ha heno, re kile ra le laela, ra re: Ekare ha e mong a hana ho sebetsa, a se ke a ja le hona.

Baahlodi 19:1

Mohlang oo, ho ne ho se morena Iseraeleng. Ka mohlomong, monna wa Molevi ya neng a aheletse letswapong la thaba ya Efraime, a inkela mosadi wa serethe Bethlehema-Juda.

Baahlodi 19:14

Kahoo, ba fetela pele, ba tsamaya, mme letsatsi la ba dikella Gibea, e leng motse wa Benjamine.

Baahlodi 19:15

Ba fapohela Gibea jwalo, ba kena teng ho robala bosiu. Eitse hobane a kene, a dula lepatlelong la motse, ho se motho ya ba amohelang tlung ya hae, hore ba robale bosiu teng.

Baahlodi 19:17

Eitse ha a emisa mahlo, a bona monna wa moeti lepatlelong la motse; yaba monna eo ya tsofetseng o re ho yena: O ya kae?