Baahlodi 18:27 - Sesotho 1909/1961 (SO)

²⁷ Haele bao, eitse hobane ba nke ntho tseo Mika a di entseng, le moprista wa hae ba fihla Laishe, batho ba teng ba ntse ba dutse ka kgotso le ka boiketlo; ba ba bolaya ka bohale ba lerumo, mme ba tjhesa motse.

BIBELE

²⁷ Ba nka dintho tseo Mmika a neng a di entse, ba nka le moprista wa hae, ba fihla Laishe, setjhabeng sa kgotso, se iketlileng, ba se bolaya ka sabole, ba tjhesa motse ka mollo.

Baahlodi 18:27 ပူးပေါင်းရင်းမြစ်များ

Genese 49:16

Dane o tla ikahlolela setjhaba sa hae jwaloka o mong wa mefuta ya Iseraele.

Deuteronoma 33:22

Haele tsa Dane, a re: Dane ke tauana, o tla tlola, a le Bashane.

Joshua 11:11

Ba bolaya le batho le batho bohle ba teng ka bohale ba lerumo, ba ba timetsa, ho se ke ha sala letho le phelang; a ntoo tjhesa Hatsore.

Joshua 19:47

Naha ya bana ba Dane ya boela ya tswela kantle ho moo e neng e le ha bona; hobane bana ba Dane ba ile ba futuhela Lesheme, ba o kena, ba bolaya ba teng ka bohale ba lerumo, ba o rua, mme ba aha teng, ba bitsa Lesheme Dane ka lebitso la ntata bona, Dane.

Baahlodi 18:10

Ha le fihla teng le tla fihlela setjhaba se iketlileng; le yona naha e phatlaletse kahohle; hobane Modimo o e neetse matsohong a lona; hape, ke naha e sa hlokeng letho la tsohle tse lefatsheng.

Baahlodi 18:26

Yaba bana ba Dane ba tswela pele tseleng ya bona. Haele Mika, ha a bona hobane ba mo feta ka matla, a kgutla, a ipoella tlung ya hae.

Baahlodi 18:7

Yaba banna bao ba bahlano ba tloha, ba fihla Laishe, ba bona batho ba teng ba dutse ba iketlile ka mokgwa wa Basidone, ba dutse ka boiketlo le ka kgotso, ho se motho ya nang le borena naheng eo, ya nang le matla a ho ba etsa hampe, ba le hole le Basidone, ba se na taba le batho ba bang.

Baahlodi 8:11

Jwale, Gideone a nyoloha ka tsela ya ba ahileng ditenteng, nqa botjhabela ho Noba le Jogbeha, mme a qhala makgotla wohle, makgotla a sa iketlile.