Baahlodi 16:10 - Sesotho 1909/1961 (SO)

¹⁰ Delila a re ho Samsone: Bona, o ntshomile, o bile o mpoleletse leshano: mpolelle jwale se ka o tlamang.

BIBELE

¹⁰ Delila a re ho Samosone: “Bona mona, o mphoqile, mme o mpoleletse leshano. Jwale ako mpolelle hle: Ke eng eo o ka tlangwang ka yona?”

Baahlodi 16:10 ပူးပေါင်းရင်းမြစ်များ

Nehemia 6:4

Ba nthomela taba eo e le nngwe makgetlo a mane, mme le nna ka nna ka ba romela karabo e le nngwe.

Diproverbia 24:28

O se ke wa ba paki feela ho lwantsha wa heno; o ka thetsa jwang ka melomo ya hao?

Ezekiele 33:31

Ba tla ho wena ba kolokile; batho ba setjhaba sa ka ba dula pela hao, ba mamela mantswe a hao, ba mpa ba sa ye ka wona; hobane ba bua hantle ka melomo ya bona, empa pelo tsa bona di latetse leruo la bona.

Luka 22:48

Empa Jesu a re ho yena: Judase, hleka o eka Mora motho ka kako na?

Baahlodi 16:11

A re ho yena: Ha nka tlangwa ka thata ka mehala e metjha e esong ho sebetse letho, nka fokola, ka ba jwaloka batho ba bang.

Baahlodi 16:13

Yaba Delila o re ho Samsone: Bona, o boetse o ntshomile la bobedi, mme o mpoleletse leshano. Mpolelle hle se ka o tlamang. A re ho yena: Ke ha o ka loha thapo tse supileng tsa moriri wa hlooho ya ka hammoho le kgole e lohang. Yaba o di tiisa ka sethakgisa,

Baahlodi 16:7

Samsone a re ho yena: Ha nka tlangwa ka kgole tsa seqha tse supileng tse ntjha, tse esong ho ome, nka fokola, ka ba jwaloka batho ba bang.

Baahlodi 16:9

Banna ba ne ba mo laletse kamoreng e kahare. Yaba Delila o re ho yena: Samsone, Bafilesta ke bao hodima hao. Yaba o kgaola dikgole jwalokaha ho kgaolwa tshwele ya matakwane, ha e atametswa pela mollo. Ka mokgwa o jwalo, matla a hae ha a ka a tsejwa moo a tswang teng.