2 Marena 9:17 - Sesotho 1909/1961 (SO)

¹⁷ Ho bo ho eme sebohodi hodima tora ya Jisreele; sa bona sehlopha sa Jehu se etla, sa re: Ke bona sehlopha. Jorame a re: Ho nkwe mokalli e mong, a romelwe ho ba kgahlanyetsa, a re: Na ke kgotso na?

BIBELE

¹⁷ Sebohodi se ne se eme hodima tora ya Jesereele. Ha se bona sehlopha sa Jehu se ntse se etla, sa re: “Hlopha sa batho ke sane!” Jorame a re: “Ere monna a palame pere, a yo se kgahlanyetsa, mme a fihle a re ho sona: ‘Na le tla ka kgotso?’ ”

2 Marena 9:17 ပူးပေါင်းရင်းမြစ်များ

2 Samuele 13:34

Haele Absalome yena, a baleha. Yaba mohlanka ya lebelang, ha a emisa mahlo ho tadima, a bona ho hlaha batho ba bangata ba tsamayang ka tsela e sikang le thaba.

2 Samuele 18:24

Haele Davida, o ne a dutse pakeng tsa kgoro tse pedi, molebedi a ntse a tsamaya hodima lerako, hodima monyako. Ha a tadima, a bona ho hlaha monna ya mathang a nnotshi.

1 Marena 2:15

Adonija a re: O a tseba hoba mmuso e be e le wa ka, le hobane Baiseraele bohle ba ne ba ntadimile hore ke buse; empa mmuso o fetohile, o abetswe ngwaneso, kahobane e bile wa hae ka taelo ya Jehova.

2 Marena 7:14

Ebile ba nka makoloi a mabedi le dipere tsa wona, mme morena a romela ho latela makgotla a Basiria, a re: Eyang, le bone.

2 Marena 9:11

Jehu a tswela ho bahlanka ba monga hae. Ba re ho yena: Na ke kgotso na? Lehlanya leno le ne le tletseng ho wena? A re ho bona: Le a mo tseba monna eo le puo tsa hae.

2 Marena 9:16

Ebile Jehu o kena koloing, a ya Jisreele, hobane Jorame o ne a sekame diphateng teng, mme Akasia, morena wa Juda, o ne a tlile ho bona Jorame.

2 Marena 9:18

Yaba mokalli o tloha, a ya kgahlanyetsa Jehu, a re: Ho itswe ke morena: Na ke kgotso na?

2 Marena 9:19

Jehu a re: O na le taba efe le kgotso? Fetela kamorao ho nna. Sebohodi sa howa, sa re: Lenqosa le fihlile ho bona, empa ha le boye.

Isaia 56:10

Dibohodi tsa hae ke difofu kaofela; ha di lemohe letho, ke dintja tse dimumu, tse sitwang ho bohola: di lora di bothile, di rata boroko.

Isaia 62:6

Ke beile dibohodi marakong a hao, Jerusalema; di ke ke tsa kgutsa le ka motsotso o le mong, motshehare le bosiu. Lona bao le hopotsang Jehova, le se ke la ipha sebaka sa ho phomola!

1 Samuele 16:4

Samuele a etsa ka polelo ya Jehova; a ya Bethlehema. Ebile baholo ba motse ba mo kgahlanyetsa ba tshohile, ba re: Na o tlile ka kgotso na?

1 Samuele 17:22

Davida a siya phahlo ya hae matsohong a molebedi wa phahlo, a titimela ntweng; a fihla, a dumedisa banababo.