2 Marena 17:37 - Sesotho 1909/1961 (SO)

³⁷ Haele ditshwanelo, le mekgwa, le molao, le taelo tseo a le ngoletseng tsona, le di boloke, le ye ka tsona kamehla; le se ke la tshaba medimo esele.

BIBELE

³⁷ Kamehla yohle le boloke ditaelo le melao eo a le ngoletseng yona, mme le se ke la hlompha medimo e meng.

2 Marena 17:37 ပူးပေါင်းရင်းမြစ်များ

2 Marena 17:38

Le selekane seo ke se hlabileng le lona, le se ke la se lebala, mme le se ke la tshaba medimo esele.

1 Dikronike 29:19

O nee mora ka Salomone pelo e tletseng thato ya ho boloka ditaelo tsa hao le ditemoso tsa hao le melao ya hao, hore a be a di phethe kaofela ha tsona, mme a hahe ntlohadi eo ke lokisitseng ntho tsa yona.

Levitike 19:37

Le boloke jwalo melao ya ka kaofela, le ditaelo tsa ka kaofela, mme le ye ka tsona. Ke nna Jehova.

Deuteronoma 12:32

Iponeleng, le etse tsohle tseo ke le laelang tsona. O se ke wa di eketsa ka letho, mme o se ke wa tlosa letho ho tsona.

Deuteronoma 31:11

ha Baiseraele bohle ba tlile ho itlhahisa pela Jehova, Modimo wa hao, nqalong eo a tla e khetha, o tla bala molao ona pela Baiseraele kaofela, ba tle ba o utlwe.

Deuteronoma 31:9

Moshe a ngola molao ona, mme a o nea baprista, bana ba Levi, ba jarang areka ya selekane sa Jehova, le baholo bohle ba Iseraele.

Deuteronoma 5:22

Dipolelo tseo Jehova o di boleletse phutheho ya lona yohle, a le thabeng hara mollo, le lerung, le lefifing, ka lentswe le leholo, mme ha a ka a eketsa letho. A di ngola matlapeng a mabedi, mme a nnea wona.

Deuteronoma 5:31

Empa haele wena, dula mona, le nna ke tle ke o bolelle ditaelo tsohle, le melao, le dikahlolo tseo o tla ba ruta tsona, ba tle ba etse ka tsona lefatsheng leo ke ba neang lona ho le rua.

Deuteronoma 5:32

Itiiseng ke hona, le etse jwalokaha Jehova, Modimo wa lona, a le laetse. Le se ke la fapohela letsohong le letona, leha e le ho le letshehadi.

Deuteronoma 5:33

Le tsamaye ka mokgwa o phethehileng tseleng eo Jehova, Modimo wa lona, a le laetseng yona, le tle le phele, le be le lehlohonolo, mme le atise matsatsi a lona lefatsheng leo le yang ho le rua.

Baahlodi 6:10

mme ka re ho lona: Ke nna Jehova, Modimo wa lona, le se ke la tshaba medimo ya Baamore, bao le ahileng naheng ya bona. Empa ha le a ka la mamela lentswe la ka.