2 Marena 12:10 - Sesotho 1909/1961 (SO)

¹⁰ Enere ha ba bona hoba ditjhelete di ngata letloleng, mongodi wa morena le moprista e moholo ba ne ba tla, ba bale tjhelete tse fumanweng tlung ya Jehova, ba di kenye mekotleng.

BIBELE

¹⁰ E ne e ye ere ha ba bona hore tjhelete e se e le ngata ka letloleng, ebe mongodi wa kgosi, le Moprista e Moholo, ba a tla, ba fihla ba bala tjhelete e ka Tempeleng ya Morena, ba nto e tshela ka mokotlaneng.

2 Marena 12:10 ပူးပေါင်းရင်းမြစ်များ

2 Samuele 20:25

Sheva yena e ne e le mongodi; Tsadoke le Abiathare e ne e le baprista;

2 Samuele 8:17

Tsadoke, mora Akitube, le Akimeleke, mora Abiathare, e ne e le baprista; Seraia e ne e le mongodi;

2 Marena 12:11

Ditjhelete ha di badilwe, ba ne ba di bea matsohong a ba etsang mosebetsi, ba lebelang ntlo ya Jehova; bao ba ne ba di ntshetsa ba betlang difate, le dihahi tse sebetsang ntlo ya Jehova;

2 Marena 19:2

Hape, a romela Eliakime, molotolotsi wa ntlo ya borena, le Shebna mongodi, le baholo ba baprista, ba ikapesitse ka masela a mahwashe, ho moporofeta Esaia, mora Amose.

2 Marena 22:12

Morena a laela moprista Hilkia, le Akikame, mora Shafane, le Akbore, mora Mikea, le Shafane, mongodi, le Asaia, mohlanka wa morena, a re:

2 Marena 23:4

Morena a laela Hilkia, moprista e moholo, le baprista ba mo hlahlamang, le balebedi ba monyako, a re, ba phahle tempeleng ya Jehova mesebetsi yohle e etseditsweng Baale, le Ashtarothe, le makgotla wohle a lehodimo; a e tjhesa kantle ho Jerusalema, masimong a pela Kedrone, mme melora ya yona ya iswa Bethele.

2 Marena 5:23

Naamane a re: Dumela ho nka talenta tse pedi. A mo phehella, a phuthela talenta tse pedi tsa silefera mekotleng e mmedi, a mo nea le diaparo tse pedi tsa mokete, a di jarisa bahlankana ba hae ba babedi; ba di jara pela Gehasi.

1 Dikronike 9:19

Shallume, mora Kore, mora Ebiasafe, mora Kore, a ena le banababo ba ntlo ya ntatae, e leng Bakore, ba ne ba tshwere mosebetsi wa ho lebela menyako ya tabernakele; haele bontata bona, ba neng ba disa diahelo tsa Jehova, e ne e le balebedi ba monyako wa tsona.

2 Dikronike 24:11

Enereha e le nako ya ho tlisa letlole ho bahlahlobi ba morena ka matsoho a Balevi, ha ba ne ba bona hoba ditjhelete di ngata, mongodi wa morena le tona ya moprista e moholo ba ne ba fihla, ba tsholla letlole, ba ntoo le kgutlisetsa tulong tsa lona; ba ne ba etsa jwalo ka tsatsi le leng le le leng, mme ka mokgwa oo ba bokella tjhelete tse ngata.

Esdrase 3:7

Yaba ba ntshetsa dibetli tsa majwe le tsa difate ditjhelete; ba nea Basidone le Batire dijo le dino le ole, ba re, ba ye ho lata difate tsa dikedare Lebanone, mme ba di tlise Jafo ka lewatle, kamoo ba dumeletsweng ke Siruse, morena wa Persia kateng.