2 Marena 10:21 - Sesotho 1909/1961 (SO)

²¹ Jehu a romela kahohle Iseraeleng, mme bohle ba sebeletsang Baale ba tla, ho se ke ha sala leha a le mong ya sa tlang. Ba kena ka tlung ya Baale, mme ntlo ya Baale ya tlala ho tloha monyako ho fihlela motsheo.

BIBELE

²¹ Jehu a romela maqosa hohle naheng ya Iseraele. Bohle ba rapelang Baale ba tla, mme ha se ke ha eba le ya mong ya sa tleng. Ba fihla ba kena ka tempeleng ya Baale, mme ya tlala tswete!

2 Marena 10:21 ပူးပေါင်းရင်းမြစ်များ

1 Marena 16:32

A etsetsa Baale aletare, tlung ya Baale eo a e hahileng Samaria.

2 Marena 10:22

A re ho molebedi wa diaparo: Ntshetsa bohle ba sebeletsang Baale diaparo. A ba ntshetsa diaparo.

2 Marena 11:18

Yaba setjhaba sohle sa naha se kena ka tlung ya Baale, sa e qhaqha; dialetare le ditshwantsho tsa teng ba di robaka dikoto, ba di qeta; ba bolaya le Matthane, moprista wa Baale, pela dialetare. Moprista a ntoo bea bahlahlobi hodima ntlo ya Jehova.

Joele 3:2

ke tla phutha ditjhaba tsohle, ke di theolele kgohlong ya Josafate; ke tla tseka teng le bona ka baka la Iseraele, setjhaba sa ka le lefa la ka, eo ba mo qhalantseng hara ditjhaba, ba ba ba arola naha ya ka.

Tshenolo 16:16

Mme ya ba bokella thoteng e bitswang Harmagedone, ka Seheberu.

Baahlodi 16:27

Ntlo e ne e tletse banna le basadi, le wona marena a Bafilesta a ne a le teng kaofela; esita le marulelong ho ne ho na le banna le basadi ba batlileng ho etsa kete tse tharo, ba tadimang Samsone ha a bapala.