2 Dikronike 9:7 - Sesotho 1909/1961 (SO)

⁷ Ba lehlohonolo, batho ba hao! Ba lehlohonolo, bahlanka bana ba hao, ba hlolang ba eme pela hao, ba utlwang bohlale ba hao!

BIBELE

⁷ Batho ba hao ba a ithaba; bahlanka bana ba hao, ba o sebeletsang kamehla, ba utlwang bohlale ba hao, le bona ba a ithaba.

2 Dikronike 9:7 ပူးပေါင်းရင်းမြစ်များ

1 Marena 10:8

Ba lehlohonolo, batho ba hao, ba lehlohonolo, bahlanka bana ba hao, ba hlolang ba eme pela hao, ba utlwang bohlale ba hao!

2 Dikronike 9:6

Empa ha ke a ka ka dumela dipolelo tsa bona ho fihlela ke ba ke etla, ke bona ka mahlo a ka; mme bona, ke ne ke sa ka ka bolellwa le karolonyana ya boholo ba bohlale ba hao; tsa hao di fetisa botumo boo ke bo utlwileng.

2 Dikronike 9:8

A ho bokwe Jehova, Modimo wa hao, ya kgahlilweng ke wena hore a o bee teroneng, o be morena ho kgahlisa Jehova, Modimo wa hao. Modimo o o beile morena wa Baiseraele, ho ba etsa ka bokgabane le ho loka, kahobane o a ba rata, mme o rata hore o ba phedise ka ho sa feleng.

Dipesaleme 27:4

Ntho e teng eo ke e kopang ho Jehova, eo ke ratang ho e bona, ke hobane ke dule ka tlung ya Jehova ka ditshiu tsohle tsa bophelo ba ka, ke tle ke bohe bokgabane ba Jehova, ke lekodisise tempele ya hae.

Diproverbia 10:21

Molomo wa ba lokileng o phedisa ba bangata, athe mawatla a timela ke ho hloka kelello.

Diproverbia 13:20

Ya tsamayang le ba bohlale o tla hlalefa; empa ya tlwaelaneng le mawatla o tla senyeha.

Diproverbia 3:14

hobane kgwebo ya jona e fetisa silefera, ho ata ha jona ho fetisa ha kgauta.

Diproverbia 3:3

Molemo le nnete di se ke tsa kgaohana le wena, o ithwalle tsona molaleng wa hao, o di ngole letlapeng la pelo ya hao;

Diproverbia 8:34

Ho lehlohonolo motho ya nkutlwang, ya lebelang menyako ya ka ka metsotso yohle, ya fadimehang mathuleng a monyako wa ka.

Luka 11:28

A mpa a re: E, empa haholo ho lehlohonolo ba utlwang lentswe la Modimo, mme ba le boloka.

Deuteronoma 33:9

ya itseng bakeng sa ntatae le mmae: Ha ke a ka ka ba bona; mme ha ba tsebe banababo, leha e le bana ba hae ha a ba tsebe; hobane ba tiisitse lentswe la hao, mme ba bolokile selekane sa hao.