2 Dikronike 23:2 - Sesotho 1909/1961 (SO)

² Ba ya le naha ya Juda, ba phutha Balevi le dihlooho tsa matlo a bontata Baiseraele metseng yohle ya Juda, mme ba tla Jerusalema.

BIBELE

² Ba potoloha le naha ya Juda, ba phutha Balevi ba tswang metseng yohle ya Juda, le dihlooho tsa malapa a Iseraele, ba nto kgutlela Jerusalema.

2 Dikronike 23:2 ပူးပေါင်းရင်းမြစ်များ

1 Dikronike 15:12

a re ho bona: Le dihlooho tsa matlo a bontata Balevi; itlhwekiseng, e le lona le banababo lona, mme le late areka ya Jehova, Modimo wa Iseraele, le e tlise moo ke e lokiseditseng teng.

1 Dikronike 24:6

mongodi Shemaia, mora Nethaneele, wa Balevi, a ba ngola pela morena, le mahosana, le moprista Tsadoke, le Akimeleke, mora Abiathare, le dihlooho tsa matlo a bontata baprista le Balevi; ha ho le jwalo, ha laolwa ka lotho ntlo e nngwe ya Eleasare, ha boela ha laolwa e nngwe ya Ithamare.

2 Dikronike 21:2

Jorame o ne a na le banababo, bara ba Josafate: boAsaria, le Jehiele, le Sakaria, le Asaria, le Mikaele, le Shefathia; kaofela ha bona e ne e le bara ba Josafate, morena wa Iseraele.

Dipesaleme 112:5

Ho lehlohonolo ya fanang, ya adimanang; nyewe ya hae e tla emelwa kahlolong.

Mattheu 10:16

Bonang, ke le roma le le jwaloka dinku hara diphiri; ka baka leo, le be bohlale jwaloka dinoha, mme le be ba se nang mano jwaloka maebanakgorwana.

Baefese 5:15

Ha ho le jwalo, iponeleng hore le tsamaye ka kelello, e seng jwaloka mawatla, e mpe e be jwaloka ba bohlale.