2 Dikronike 21:19 - Sesotho 1909/1961 (SO)

¹⁹ Eitse kamora tshiu tse itseng, mohla lemo sa bobedi se leng lekgatheng la ho fela, mala a hae a tswa ke ho befa ha bohloko, mme a shwa ka bohloko bo tshabehang; setjhaba sa hae ha se a ka sa mo tjhesetsa dibano, jwalokaha se ne se tjheseditse bontatae.

BIBELE

¹⁹ Ha nako e ntse e eya, kamora lemo tse pedi, mala a hae a horometseha, mme a shwa habohloko. Setjhaba sa hae sa se ke sa mmesetsa mollo wa bofifi, jwalokaha se ne se etsetse bo-ntatae.

2 Dikronike 21:19 ပူးပေါင်းရင်းမြစ်များ

2 Dikronike 16:14

A patwa lebitleng la hae, leo a neng a itjheketse lona motseng wa Davida, mme a robatswa malaong a tletseng dinoko le dibano tse mefuta e mengata tse entsweng ka mokgwa wa baetsi ba tse nkgang hamonate; a ba a tjhesetswa bongata bo boholo haholo ba tsona.

2 Dikronike 21:15

haele wena, o tla ba malwetseng a maholo ka ho jewa ke mala ka matsatsi le matsatsi, ho fihlela mala a hao a ba a tswela ntle ke ho befa ha bohloko.

2 Dikronike 24:25

Eitse hobane ba tlohe ho yena, ba mo siile bohlokong bo boholo, bahlanka ba hae ba mo fetohela ka baka la madi a bara ba moprista Jehojada; yaba ba mmolaela diphateng tsa hae, a shwa. A patwa motseng wa Davida, ba mpa ba se ke ba mo pata mabitleng a marena.

Jeremia 34:5

o tla shwa ka kgotso; le ho tjhesetswa dibano jwaloka bontatao, marena a pele a bileng teng pele ho wena, o tla tjhesetswa dibano jwalo, mme ba tla o llela, ba re: Jo morena! Hobane nna ke boletse jwalo, ho bolela Jehova.