2 Dikronike 2:1 - Sesotho 1909/1961 (SO)

¹ Yaba Salomone o laela hore ho hahelwe lebitso la Jehova ntlo, le hore yena a hahelwe ntlo ya borena.

BIBELE

¹ Solomone a rera ho hahela Morena Tempele le ho ikgahela ntlo ya bokgosi.

2 Dikronike 2:1 ပူးပေါင်းရင်းမြစ်များ

1 Marena 5:15

Salomone a roma banna ba dikete tse mashome a supileng ba bajari, le ba dikete tse mashome a robileng meno e mmedi ba betlang majwe dithabeng,

1 Marena 5:5

Bona, ke hopotse ho hahela lebitso la Jehova, Modimo wa ka, ntlo, jwalokaha Jehova a boleletse ntate Davida, a re ho yena: Mora wa hao eo ke tla mmea teroneng ya hao tulong tsa hao, ke yena ya tla hahela lebitso la ka ntlo.

1 Marena 7:1

Salomone a ikgahela le ntlo ya hae ka dilemo tse leshome le metso e meraro, mme a phetha ntlo ya hae yohle.

1 Marena 8:18

Jehova a mpa a re ho ntate Davida: Kgopolo eo ya hao ya ho hahela lebitso la ka ntlo, o fela o hopotse hantle;

1 Marena 8:20

Jehova o hlahisitse seo molomo wa hae o se boletseng, hobane ke eme tulong tsa ntate Davida, ke bile ke dutse teroneng ya Iseraele, jwalokaha Jehova a ne a boletse, ke bile ke hahetse lebitso la Jehova, Modimo wa Iseraele, ntlo.

1 Marena 9:1

Eitse hobane Salomone a phethe ho haha ntlo ya Jehova, le ntlo ya morena, le tsohle tseo Salomone a lakaditseng ho di etsa,

1 Dikronike 22:10

Ke yena ya tla hahela lebitso la ka ntlo; e tla ba mora wa ka, nna ke be ntatae; mme ke tla tiisa terone ya borena ba hae Iseraeleng ka ho sa feleng.

2 Dikronike 1:17

Haele makoloi a latwang Egepeta, e nngwe le e nngwe e ne e rekwa ka dishekele tse makgolo a tsheletseng tsa silefera, pere yona e rekwa ka tse lekgolo le nang le mashome a mahlano. Ba ne ba tlisetsa le marena wohle a Bahethe le marena a Siria.

2 Dikronike 2:12

Hurame a eketsa, a re: Ho bokwe Jehova, Modimo wa Iseraele, ya entseng mahodimo le lefatshe, hobane o neile morena Davida mora ya bohlale, ya kelello, ya kutlwisiso, ya ratang ho hahela Jehova ntlo, le ho ikgahela ntlo ya borena.

Deuteronoma 12:11

Nqalo e tla ba teng eo Jehova, Modimo wa lona, a tla e kgetha ho bea lebitso la hae ho yona; ke moo le tla tlisa ntho tsohle tseo ke le laelang tsona, ditjheso tsa lona, le mahlabelo a lona, le karolo ya leshome ya dintho tsa lona, le dikabelo tse ntshwang ke matsoho a lona, le tsohle tse kegthilweng tsa dikano tsa lona, tseo le di baletseng Jehova.

Deuteronoma 12:5

Le mpe le batle bodulo ba hae nqalong eo Jehova, Modimo wa lona, a tla e kgetha hara meloko ya lona yohle ho bea lebitso la hae teng, mme o ye teng.

Deuteronoma 28:58

Ekare ha o sa itise ho etsa ka dipolelo tsohle tsa molao ona, tse ngodilweng bukeng ena, mme ha o sa tshabe lebitso leo le kganyang, le tshabehang la Jehova, Modimo wa hao,