2 Dikronike 13:3 - Sesotho 1909/1961 (SO)

³ Ntwa ya eba teng mahareng a Abija le Jeroboame. Abija yena a futuha a ena le sera sa bahlabani ba dikete tse makgolo a mane ba kgethilweng; Jeroboame le yena a ya hlopholla ntwa ya hae ya bahlabani ba bohale ba dikete tse makgolo a robileng meno e le mmedi ba kgethilweng.

BIBELE

³ Abiya a thea theko ya ntwa ka mokgetho wa bahale ba dikete tse makgolo a mane. Jeroboame le yena a thea theko ya ntwa ka mokgetho wa bahale ba dikete tse makgolo a robedi.

2 Dikronike 13:3 ပူးပေါင်းရင်းမြစ်များ

1 Marena 15:7

Haele taba tse ding tsa Abijame, le tsohle tseo a di entseng, ha ke re, di ngodilwe bukeng ya ditaba tsa ho phela ha marena a Juda? Ntwa ya nna ya eba teng mahareng a Abijame le Jeroboame.

1 Dikronike 21:5

Joabe a bolella Davida palo ya bongata ba setjhaba: Iseraeleng ho ne ho le banna ba tsomolang sabole ba sekete sa dikete se nang le lekgolo le le leng la dikete; haele Juda, ho ne ho na le banna ba tsomolang sabole ba dikete tse makgolo a mane a mashome a supileng.

2 Dikronike 11:1

Roboame eitse hobane a fihle Jerusalema, a phutha ntlo ya Juda le Benjamine, ya eba banna ba dikete tse lekgolo le mashome a robileng meno e le mmedi, banna ba lokelang ho lwana, a tle a futuhele Iseraele, hore mmuso kaofela o busetswe ho Roboame.

2 Dikronike 13:2

A busa Jerusalema ka lemo tse tharo; lebitso la mmae e ne e le Mikaia, moradi wa Uriele wa Gibea.

2 Dikronike 13:4

Abija a ema qhoweng ya thaba ya Tsemaraime, e dithabeng tsa Efraime, a re: Nkutlweng, wena Jeroboame le lona Baiseraele bohle.