2 Dikronike 12:15 - Sesotho 1909/1961 (SO)

¹⁵ Haele ditaba tsa Roboame, tsa ho qala le tsa ho qetella, ha ke re, di ngodilwe dibukeng tsa Shemaia moporofeta le tsa Iddo seboni, dibukeng tsa meloko? Ntwa ya nna ya eba teng mahareng a Roboame le Jeroboame tshiung tsohle tsa bona.

BIBELE

¹⁵ Diketso tsohle tsa Rehoboame, ho tloha qalong ho isa qetellong, le tsa tlhatlhamano ya lelapa la hae, di ngotswe Bukeng ya Moporofoeta Shemaya, le Bukeng ya Moporofeta Ido. Dintwa tsa nna tsa eba teng pakeng tsa Rehoboame le Jeroboame.

2 Dikronike 12:15 ပူးပေါင်းရင်းမြစ်များ

1 Marena 12:22

Empa lentswe la Modimo la tlela Shemaia, monna wa Modimo, la re:

1 Dikronike 29:29

Haele ditaba tsa morena Davida, tsa ho qala le tsa ho qetella, bonang, di ngodilwe bukeng ya ditaba tsa Samuele seboni, le bukeng ya ditaba tsa Nathane moporofeta, le bukeng ya ditaba tsa Gade seboni,

2 Dikronike 11:2

Empa lentswe la Jehova la tlela Shemaia, monna wa Modimo, la re:

2 Dikronike 12:5

Yaba moporofeta Shemaia o ya ho Roboame le ho dihlooho tsa Juda tse neng di bokanetse Jerusalema ka baka la ntwa ya Shishake, a re ho bona: Jehova o re: Le mphuraletse, le nna ke le furaletse, ke bile ke le neetse matsohong a Shishake.

2 Dikronike 13:1

Ka selemo sa leshome le metso e robileng meno e le mmedi sa morena Jeroboame, Abija a qala ho busa Juda.

2 Dikronike 13:2

A busa Jerusalema ka lemo tse tharo; lebitso la mmae e ne e le Mikaia, moradi wa Uriele wa Gibea.

2 Dikronike 13:22

Haele ditaba tse ding tsa Abija, le tseo a di entseng, le mantswe a hae, di ngodilwe bukeng ya dihlaloso tsa moporofeta Iddo.

2 Dikronike 16:11

Haele ditaba tsa Asa, tsa ho qala le tsa ho qetella, bonang, di ngodilwe bukeng ya marena a Juda le Iseraele.

2 Dikronike 20:34

Haele ditaba tse ding tsa Josafate, tsa ho qala le tsa ho qetela, di ngodilwe bukeng ya ditaba tsa Jehu, mora Hanani, e neng e kenngwe bukeng ya marena a Iseraele.

2 Dikronike 28:26

Haele ditaba tse ding tsa hae, le metsamao yohle ya hae, ya ho qala le ya ho qetella, bonang, di ngodilwe bukeng ya marena a Juda le a Iseraele.

2 Dikronike 35:27

le diketso tsa hae tsa ho qala le tsa ho qetella, bonang, di ngodilwe bukeng ya marena a Iseraele le Juda.

2 Dikronike 9:29

Haele taba tse ding tsa Salomone, tsa ho qala ho isa ho tsa ho qetella, ha ke re, di ngodilwe bukeng ya Nathane moporofeta, le ho ya boporofeta ba Akija wa Silo, le tshenolong ya seboni Iddo bakeng sa Jeroboame, mora Nebathe?