2 Dikronike 12:12 - Sesotho 1909/1961 (SO)

¹² Eitse ha Roboame a ikokobetsa, kgalefo ya Jehova ya mo kgutlela, a se ke a mo timelletsa ruri; hape, taba tse ding tsa Bajuda di ne di le molemo.

BIBELE

¹² Kahobane kgosi e ile ya ikokobetsa, Morena a kgaotsa ho e halefela, a se ke a e timetsa ho hang, etswe le naheng ya Juda ho ne ho sa na le dintho tse lokileng.

2 Dikronike 12:12 ပူးပေါင်းရင်းမြစ်များ

Genese 18:24

Ekaba ba lokileng ba mashome a mahlano ba teng motseng; hleka o ka timetsa motse, o sa o baballe ka baka la ba lokileng ba mashome a mahlano ba ho wona na?

1 Marena 14:13

Baiseraele bohle ba tla mo llela, ba mo pate; hobane ke yena a nnotshi wa Jeroboame ya tla iswa lebitleng; hobane ke ho yena ho fihletsweng taba e nngwe e ntle ke Jehova, Modimo wa Iseraele, tlung ya Jeroboame.

2 Dikronike 12:11

Enereha morena a eya tlung ya Jehova, dititimi di ne di tsamaya di di tshwere, di ntoo di kgutlisetsa kamoreng ya dititimi.

2 Dikronike 19:3

Leha ho le jwalo, ho kile ha fumanwa ntho tse ntle ho wena, tsa kamoo o fedisitseng diashera kateng lefatsheng, le kamoo o sekamisitseng pelo ya hao kateng hore e batle Modimo.

Isaia 57:15

Hobane ho itswe ke Mookamedi ya hodimodimo, eo bodulo ba hae e leng bo sa feleng, ya bitswang Mohalaledi: Ke ahile nqalong e phahameng, e halalelang; hape, ke ahile le ya tepeletseng, le motho ya robehileng pelo, ke tle ke pholose meya ya batho ba robehileng dipelo, ke phedise meya ya ba tepeletseng.

Isaia 6:13

Leha e mong a ka sala ho ba leshome ho bona, le yena o tla be a jewe; empa jwalokaha difate tsa terebinthe le tsa eike, ereha di remilwe, ho sala kutu e tla hlomela, ka mokgwa o jwalo, kutu ya setjhaba sena e tla hlomela lesika le halalelang.

KOLI-YA-MALLA 3:22

Ke mehauhelo ya Jehova e entseng hore re se ke ra timela, hobane mohau wa hae ha o fele;

KOLI-YA-MALLA 3:33

Hobane pelo ya hae ha e rate ho utlwisa bohloko le ho hlomodisa bana ba batho.

KOLI-YA-MALLA 3:42

Re sitilwe, ra ba ra ikgantsha, mme wena, ha o a ka wa rekolohela.

1 Petrose 5:6

Ka baka leo, le ke le ikokobetse katlasa letsoho le matla la Modimo, o tle o le phahamise nakong e tshwanelang.