2 Dikronike 12:1 - Sesotho 1909/1961 (SO)

¹ Eitse hobane borena ba Roboame bo tiiswe, le yena ha a iphile matla, a furalla molao wa Jehova, le Baiseraele bohle ba etsa jwalo le bona.

BIBELE

¹ Hoba mmuso wa Rehoboame o tsitse, mme a imatlafatse, yena le setjhaba sohle sa Iseraele ba furalla molao wa Morena.

2 Dikronike 12:1 ပူးပေါင်းရင်းမြစ်များ

1 Marena 12:17

Haele bana ba Iseraele ba ahileng metseng ya Juda, ba buswa ke Roboame.

1 Marena 14:21

Haele Roboame, mora Salomone, ya eba morena wa Juda. Roboame o ne a le dilemo tse mashome a mane a motso o mong, ha a qala ho busa; a busa ka lemo tse leshome le metso e supileng, a le Jerusalema, motse o neng o kgethilwe ke Jehova hara metse yohle ya meloko ya Iseraele, ho bea lebitso la hae teng. Lebitso la mmae e ne e le Naama, Moammone.

1 Marena 9:9

Mme ho tla thwe: Ke kahobane ba furaletse Jehova, Modimo wa bona, ya ntshitseng bontata bona naheng ya Egepeta, ba kgomaretse medimo esele, ba e kgumametse, ba e sebeleditse: ke ka baka leo Jehova a ba hlahiseditseng kotsi eo yohle.

2 Marena 17:19

Le bona Bajuda ha ba ka ba boloka ditaelo tsa Jehova, Modimo wa bona; le bona ba ya ka mekgwa eo Baiseraele ba e entseng.

2 Dikronike 11:17

Ba tiisa mmuso wa Juda jwalo, mme ba natlafatsa Roboame, mora Salomone, ka lemo tse tharo; hobane ba fela ba tsamaya mehlaleng ya Davida le Salomone ka dilemo tse tharo.

2 Dikronike 11:23

A nna a etsa ka kelello, a qhalanyetsa bara ba hae bohle dinaheng tsohle tsa Juda le Benjamine, metseng yohle ya diqhobosheane, a ba nea dijo tse ngata, mme a ba batlela basadi ba bangata.

2 Dikronike 11:3

Bolella Roboame, mora Salomone, morena wa Juda, le Baiseraele bohle ba naheng ya Juda le Benjamine, o re:

2 Dikronike 12:13

Morena Roboame a ipha matla Jerusalema, a nna a busa; o ne a le dilemo tse mashome a mane a motso o mong, ha a qala ho busa, a busa ka dilemo tse leshome le metso e supileng Jerusalema, e leng motse oo Jehova a neng a o kgethile hara meloko yohle ya Iseraele, ho bea lebitso la hae ho wona. Lebitso la mmae e ne e le Naama, Moammone.

2 Dikronike 24:18

Yaba ba furalla ntlo ya Jehova, Modimo wa bontata bona, ba sebeletsa diashera le ditshwantsho; mme Jehova a halefela Juda le Jerusalema, kahobane ba ikentse molato kahoo.

Isaia 1:4

Jo! Setjhaba sa badibe, mofuta o ipelesitseng makgopo, lesika le bolotsana, bana ba bodileng! Ba furaletse Jehova, ba nyefotse Mohalaledi wa Iseraele, ba kgutletse morao.

Jeremia 2:31

A lona ba mofuta! mamelang lentswe la Jehova: Na nkile ka ba naha e tshehla ho Iseraele, kapa naha ya lefifi le letsho na? Setjhaba sa ka se bolela jwang, ha se re: Re tla nne re mathela mane le mane; ha re sa tla kgutlela ho wena?

Hosea 13:1

Enereha ho bua Efraime, letsoso le ne le le teng; o ne a iphahamisitse Iseraeleng, empa a ipea molato ka Baale, a ba a timela.

Mikea 6:16

Ho ntse ho bolokwa ditaelo tsa Omri le metsamao yohle ya ntlo ya Akabe! le ya ka merero ya bona, hore ke o etse tshenyeho, ke etse le baahi ba Jerusalema sesomo! mme le tla jara sekgobo sa setjhaba sa ka.

Deuteronoma 32:15

Empa Jeshurune a nona, mme a raha. Wa nona, wa iketsa ya nyenya, le ya kgurumeditsweng ke mafura. O lahlile Modimo o mo entseng, o nyedisitse Lefika la poloko ya hae.

Deuteronoma 32:18

O lahlile Lefika le o entseng, o lebetse Modimo o o tswetseng.

Baahlodi 2:15

Hohle moo ba neng ba futuhela teng, letsoho la Jehova le ne le ba lwantsha, jwalokaha Jehova a ne a boletse, le jwalokaha Jehova a ne a ba anetse; mme ba eba tsietsing e kgolo.