2 BaThesalonika 3:2 - Sesotho 1909/1961 (SO)

² mme re namolelwe bathong ba kgathatsang le ba lonya; hobane tumelo hase ya bohle.

BIBELE

² Re rapelleng hore re tle re namolelwe bathong ba sa lokang, ba kgopo, hobane hase bohle ba nang le tumelo.

Baasraak Sotho NT

² Le hore re lopollwe ho batho ba se nang kahlolo e molemo le ba kgopo, hobane tumelo ha se batho bohle.

Contemporary Southern Sotho Bible 2024

² Le hore re lopollwe ho batho ba se nang kahlolo e molemo le ba kgopo, hobane tumelo ha se batho bohle.

2 BaThesalonika 3:2 ပူးပေါင်းရင်းမြစ်များ

Mattheu 17:17

Jesu a araba, a re: Moloko o sa dumeleng, o kgopo, ke tla ba le lona ho le hokae na? Ke tla le behela pelo ho le hokae na? Mo tliseng mona ho nna.

Mattheu 23:23

Ho madimabe lona, bangodi le bafarisi, baikaketsi! hobane le ntsha karolo ya leshome ya kwena le anetha le kumine, mme le siya hoo e leng boholo ba molao, e leng tokiso, le mohau, le tumelo; anthe le ne le tshwanetse ho etsa ntho tsena, le ntse le sa tlohele ho etsa tseno.

Luka 18:8

Ke a le bolella, o tla phakisa ho ba ahlolela. Leha ho le jwalo, etlare ha Mora motho a etla, na o tla fumana tumelo e le teng lefatsheng na?

Diketso 13:45

Empa Bajuda yare ha ba bona bongata, ba tlala mona, ba hanyetsa ditaba tsa Pauluse, ba nganga, ba nyefola.

Diketso 13:50

Empa Bajuda ba hlohlelletsa basadi ba hlomphuwang, ba tshabang Modimo, le baholo ba motse; ba tsosetsa Pauluse le Barnabase hloriso, mme ba ba leleka naheng ya bona.

Diketso 14:2

Empa Bajuda ba sa kang ba dumela, ba tsosa baditjhaba, hore dipelo tsa bona di tle di halefele baena.

Diketso 17:5

Empa Bajuda ba sa dumelang ba eba mona, mme ba tla le banna ba bang ba bolotsana, ba thotsweng mapatlelong, ba iketsa sehlopha, ba ferekanya motse; ba patela ntlo ya Jasone, mme ba batla Pauluse le Silase, ho ba isa pela setjhaba.

Diketso 25:27

Hobane ho nna ke taba e sa tsebisahaleng, ha ho ka rongwa motho ya tlamilweng, ho sa bolelwe le tsona ditaba tseo a qoswang ka tsona.

Diketso 28:24

Ba bang ba dumela se bolelwang, ba bang ba mpa ba se ke ba dumela.

Baroma 10:16

Empa hase bohle ba mametseng Evangeli; jwalokaha Esaia a itse: Morena, ke mang ya dumetseng polelo ya rona?

Baroma 15:31

hore o tle o ntwele ho ba sa dumeleng ba Judea, le hore bahalaledi ba Jerusalema ba tle ba amohele hamonate thuso eo ke e isang ho bona;

1 Bakorinthe 15:32

Ha ke lwanne le dibatana Efese ka phehello ya botho, ke ruileng ka hoo? Ekare ha bafu ba sa tsohe, a re jeng, a re nweng, hobane hosasane re se re ya shwa.

Deuteronoma 32:20

mme o itse: Ke tla ba patela sefahleho sa ka, mme ke tla bona qetello ya bona hore na e tla ba eng? Hobane ke mofuta o kgelohileng, ke bana ba ke keng ba tshepjwa.

1 BaThesalonika 2:18

Ka baka leo, re ratile ho tla ho lona, e le nna Pauluse; ke lekile hang, hape ka leka la bobedi; empa Satane o re thibetse.

2 Timothea 4:17

Empa Morena a nkemela, mme a nkenya matla, hore polelo ya Evangeli ya hae e phethehe ka nna, mme ditjhaba tsohle di e utlwe; mme ke namoletswe molomong wa tau.