2 BaThesalonika 3:15 - Sesotho 1909/1961 (SO)

¹⁵ Leha ho le jwalo, le se ke la mo etsa sera, le mpe le mo eletse ka ho re, ke ngwanabo lona.

BIBELE

¹⁵ Feela le se mo nke e le sera, empa le mo kgalemele e le ngwanabo lona.

Baasraak Sotho NT

¹⁵ Empa le se ke la mo nka e le sera, le mpe le mo eletse jwaloka ngwanabo lona.

Contemporary Southern Sotho Bible 2024

¹⁵ Empa le se ke la mo nka e le sera, le mpe le mo eletse jwaloka ngwanabo lona.

2 BaThesalonika 3:15 ပူးပေါင်းရင်းမြစ်များ

Dipesaleme 141:5

Ya lokileng a ke a nkotle, ke molemo; a ke a ntaye, ke ole hloohong ya ka; hlooho ya ka e ke ke ya e hana, hobane le jwale ke tla bea thapelo ya ka mohla a leng tsietsing.

Diproverbia 25:12

Monyatsi ya hlalefileng, ditsebeng tsa motho ya utlwang, o jwaloka lesale la kgauta, le lepetu la kgauta e hlwekileng.

Diproverbia 9:9

Ruta ya nang le kelello, o tla eketsa ho hlalefa. O rute ya lokileng, o tla ekelletswa tsebo.

Mattheu 18:15

Ekare ha ngwaneno a o sitetswe, eya, o mo laye o ena le yena a nnotshi; ha a o mamela, etlaba o ruile ngwaneno.

1 Bakorinthe 4:14

Ke ngola taba tseo, e seng ho le hlabisa dihlong, empa ke a le lemosa, kaha le le bana ba ka ba ratwang.

1 Bakorinthe 5:5

ke ahlotse hore monna eo a neelwe Satane, hore ho senyehe nama ya hae, moya o tle o pholohe ka letsatsi la Morena Jesu.

2 Bakorinthe 10:8

Athe, leha nka eketsa hanyenyane ho ithorisa ka matla a rona, ao re a neilweng ke Morena ho le hahisa, e seng ho le diha, nke ke ka ba le dihlong;

2 Bakorinthe 13:10

Ke ka baka leo ke ngolang taba tseo, ke sa le siyo ho lona, hore mohla ke leng teng, ke se ke ka etsa ka thata, ka matla ao Morena a nneileng wona ho hahisa, e seng ho heletsa.

Bagalata 6:1

Banabeso, ekare ha motho a wela molatong o mong, lona bao le leng ba moya, le ke le mo tsose ka moya o mosa; mme o iponele, esere wa lekwa le wena.

1 BaThesalonika 5:14

Hape, banabeso, re a le rapela, hore le ke le lokise ba sa yeng ka molao, le tshedise ba pelo di tepeletseng, le tiise ba fokolang, mme le be le mamello ho bohle.

2 BaThesalonika 3:13

Empa lona, banabeso, le se ke la kgathala ho etsa hantle.

2 BaThesalonika 3:6

Re a le laela, banabeso, ka lebitso la Jesu Kreste, Morena wa rona, hore le arohane le moena ofe le ofe ya sa tsamayeng ka molao le ka thuto eo a e amohetseng ho rona.

Tite 3:10

Suthisa motho ya hlahisang thuto e kgelohileng, ha o se o kile wa mo tsosa ka la pele le ka la bobedi;