2 BaThesalonika 3:1 - Sesotho 1909/1961 (SO)

¹ Haele ka tse ding, banabeso, le re rapelleng, lentswe la Morena le tle le nne le mathe, mme le tlotliswe hohle jwaloka ha heno,

BIBELE

¹ Bana beso, re qetella ka ho re le re rapelle, e le hore lentswe la Morena le nne le anafale, le tlotliswe, jwalokaha le se le tlotlisitswe ho lona.

Baasraak Sotho NT

¹ Qetellong, banabeso, le re rapelle, hore lentswe la Morena le tle le tswele pele, mme le tlotliswe, jwalokaha le le ho lona.

Contemporary Southern Sotho Bible 2024

¹ Qetellong, banabeso, le re rapelle, hore lentswe la Morena le tle le tswele pele, mme le tlotliswe, jwalokaha le le ho lona.

2 BaThesalonika 3:1 ပူးပေါင်းရင်းမြစ်များ

Dipesaleme 138:2

ke o kgumamele pela ntlo ya hao e halalelang, ke roke lebitso la hao, ka baka la mohau wa hao le la nnete ya hao, hobane o phethile dipallo tsa hao ka diketso tse fetisang botumo ba hao kaofela.

Mattheu 9:38

Rapelang ke hona Morena wa kotulo, hore a romele basebetsi kotulong ya hae.

Luka 10:2

A ba a re ho bona: Kotulo e kgolo; basebetsi empa ha ba bakae; rapelang ke hona monga kotulo, hore a romele basebetsi kotulong ya hae.

Diketso 12:24

Empa lentswe la Modimo la nna la ata, la anafala.

Diketso 19:20

Lentswe la Morena la nna la ata jwalo, la sebetsa ka matla.

Diketso 6:7

Lentswe la Modimo le ne le ntse le tswela pele; mme barutuwa ba ne ba anafala haholo Jerusalema, ha ba ha dumela le baprista ba bangata.

Baroma 15:30

Jwale, banabeso, ke a le rapela, ka baka la Morena wa rona Jesu Kreste, le ka lerato la Moya, hore le lona le tle le ntwanele merapelong eo le nketsetsang yona ho Modimo;

1 Bakorinthe 16:9

Hobane teng ke buletswe monyako o moholo wa tshebetso e hlohonolofalang; hape ho le bahanyetsi ba bangata.

2 Bakorinthe 1:11

re ntse re thuswa ke thapelo eo le ntseng le re etsetsa yona, hore mohau oo re o batlelwang ke batho ba bangata, o lebohelwe rona ke ba bangata.

2 Bakorinthe 13:11

Ha ke qetella, banabeso, ke re: Ithabeleng, le phethehe, le tshedisane, le be le kgopolo e le nngwe, le dule ka kgotso; mme Modimo wa lerato le wa kgotso o tla ba le lona.

BaKolose 4:3

Le hona, bohle hammoho, le re rapelleng, hore Modimo o re bulele monyako wa lentswe, re tle re bolele sephiri sa Kreste, seo ke leng motlamuwa ka baka le sona;

1 BaThesalonika 1:5

Hobane Evangeli ya rona ha e a ka ya tla ho lona ka dipolelo feela, empa e tlile le ka matla, ka Moya o Halalelang, le ka kgodiso e kgolo, jwalokaha le tseba seo re bileng sona ha heno, ka baka la lona.

1 BaThesalonika 1:8

Hobane lentswe la Morena ha le tloha ha heno, le dumaetse, e seng Masedonia le Akaea feela, empa tumelo ya lona ho Modimo e hasane kahohle, ya eba ntho eo re sa tshwanelang ho e bolela.

1 BaThesalonika 2:1

Hobane le lona, banabeso, le a tseba ho kena ha rona ha heno hoba ha e a ka ya eba lefeela.

1 BaThesalonika 2:13

Ka baka leo, le rona ha re phetse ho leboha Modimo kahobane, mohla le amohetseng lentswe la Modimo, leo le le utlwileng ho rona, le le amohetse e seng jwaloka hoja e le lentswe la batho, empa la kgolwa hore ke lentswe la Modimo, jwalokaha e le lona ka sebele, le sebetsang ka ho lona ba dumetseng.

1 BaThesalonika 4:1

Haele ka ho hong, banabeso, re a le rapela, hape re le kgothatsa ka Morena Jesu, hore, jwalokaha le ithutile ho rona kamoo le tshwanetseng ho tsamaya le ho kgahlisa Modimo kateng, le nne le hole teng kamehla.

1 BaThesalonika 5:17

Se phetseng ho rapela.

1 BaThesalonika 5:25

Banabeso, re rapelleng.

2 Timothea 2:9

e leng Evangeli eo ke mamellang bothata bo boholo, mme ke bile ke tlangwa ka baka la yona, jwaloka hola ke le sehlola; empa lentswe la Modimo lona ha le a tlangwa.