1 Timothea 6:6 - Sesotho 1909/1961 (SO)

⁶ Efela borapedi, ha bo ena le ho kgolwa ha pelo, ke leruo le leholo.

BIBELE

⁶ E, borapedi ke leruo le leholo ho ya kgotsofaletseng seo a nang le sona.

Baasraak Sotho NT

⁶ Empa borapedi bo nang le kgotsofalo ke leruo le leholo.

Contemporary Southern Sotho Bible 2024

⁶ Empa borapedi bo nang le kgotsofalo ke leruo le leholo.

1 Timothea 6:6 ပူးပေါင်းရင်းမြစ်များ

2 Marena 6:2

Re dumelle ho ya Jordane, re nke teng e mong le e mong sefate, mme moo re ikgahele ntlo eo re ka dulang ho yona. A re: Eyang.

Dipesaleme 37:16

Se senyenyane se ruilweng ke ya lokileng se fetisa nala ya ba babe ba bangata;

Dipesaleme 84:11

Hobane Jehova Modimo ke letsatsi le thebe. Jehova o nea mohau le kganya, ba tsamayang ka ho loka a ke ke a ba hanela le molemo leha o le mong.

Eksoda 2:21

Moshe a rata ho aha ha monna eo, mme a mo nyadisa Sefora, moradi wa hae.

Diproverbia 15:16

Leruonyana le lenyenyane la ya tshabang Jehova le fetisa maruo a maholo a nang le dipelaelo.

Diproverbia 16:8

Leruo le lenyenyane le nang le ho loka, le molemo ho feta menono e mengata e nang le bokgopo.

Diproverbia 28:25

Moya o ikgohomosang o butswela dikgang; empa ya tshepang Jehova o tla kgora.

Jeremia 35:9

re se ke ra haha matlo ho itulela teng, re se be le tshimo ya merara, leha e le tshimo le nngwe, leha e le dijalo.

Luka 12:15

A eketsa a re ho bona: Iponeleng, le ipoloke bakeng sa takatso ya leruo; hobane bophelo ba motho bo ke ke ba tswa bongateng ba dintho tseo a di ruileng, leha di mo atetse haholo.

Luka 3:14

Masole le wona a mmotsa, a re: Le rona, re tla etsa eng? A re ho wona: Le se ke la etsa motho ka matla, leha e le ka thetso; hape le kgolwe ke moputso wa lona.

Baroma 8:28

Mme re tseba hore dintho tsohle di sebedisana hammoho molemo wa ba ratang Modimo, e leng ba bitsitsweng ka morero wa wona.

2 Bakorinthe 4:17

Hobane hlomoho e tjhatsi ya rona, ya motsotso wona, e ntse e re sebelletsa letlotlo la kganya le tlodisang, le sa feleng;

BaFilipi 1:21

Hobane ho nna ho phela ke Kreste, mme ho shwa ke moruo.

1 Timothea 4:8

Hobane hlakiso ya mmele ha e thuse hakae, empa borapedi bo thusa kahohle, bo tswe bo ena le pallo ya bophelo ba jwale le ya bo tlang ho tla.

1 Timothea 6:8

Mme ha re ena le dijo le diaparo, a re kgolweng ke tsona.

BaHebheru 13:5

Ketso tsa lona di hloke takatso ya ho rua; le kgolwe ke tseo le nang le tsona; hobane Modimo ka sebele o itse: Nke ke ka o tlohela, nke ke ka o lahla.