1 Marena 8:10 - Sesotho 1909/1961 (SO)

¹⁰ Eitse hobane baprista ba tswe sehalalelong, ntlo ya Jehova ya tlala leru;

BIBELE

¹⁰ Yare ha baprista ba etswa ka Sehalalelong, leru la tlala ka Tempeleng ya Morena,

1 Marena 8:10 ပူးပေါင်းရင်းမြစ်များ

1 Marena 8:11

baprista ba ba ba sitwa ho ema tshebetsong ya bona ka baka la leru; hobane ntlo ya Jehova e ne e tletse kganya ya Jehova.

Dipesaleme 97:2

Maru le botsho di mo teetse hare; ho loka le kahlolo ke motheo wa terone ya hae.

Eksoda 16:10

Yare ha Aarone a ntse a bolella phutheho yohle ya bana ba Iseraele, ha ba qala ho tadima nqa lefeelleng, ba tshoha kganya ya Jehova e bonahala lerung.

Isaia 6:1

Ka selemo sa ho shwa ha morena Osiase, ka bona Jehova a dutse teroneng e kgolo, e phahameng; mophetho wa seaparo sa hae wa tlala tempele.

Isaia 6:4

Yaba metheo ya menyako ya tempele e sisinyeha ke lentswe la mohoo oo, mme tempele ya tlala mosi.

Ezekiele 10:4

Yaba kganya ya Jehova e tloha dikerubimeng, ya ikela mohatong wa monyako wa tempele; tempele ya tlala leru, lebala lona le ntse le tletse phatsimo ya kganya ya Jehova.

Levitike 16:2

Jehova a re ho Moshe: Bolella moholwane wa hao Aarone, hore a se ke a nna a kena kamehla yohle sehlalelong kamora lesira pela sekwahelo se leng hodima areka, hore a se tlo shwa; hobane ke tla iponahatsa lerung hodima sekwahelo.

Haggai 2:7

Ke tla sisinya le ditjhaba tsohle, mme tse lakatsehang tsa ditjhaba tsohle di tla tla mona, ke be ke tlatse ntlo ena ka kganya, ho bolela Jehova wa makgotla.

Tshenolo 15:8

Yaba tempele e tlala mosi o tswang kganyeng ya Modimo le matleng a wona, mme ho ne ho se ya ka kenang tempeleng, kotsi tse supileng tsa mangeloi a supileng di eso ho phethehe.