1 Marena 7:27 - Sesotho 1909/1961 (SO)

²⁷ A ntoo etsa didulwana tse leshome tsa koporo; boholo ba sedulwana se seng e ne e le ditswe tse nne, bophara e le ditswe tse nne, bolelele e le ditswe tse tharo.

BIBELE

²⁷ Hirame a etsa dikariki tse leshome tsa lethose; bolelele ba kariki ka nngwe e le dimethara tse ka bang pedi, bophara e le dimethara tse ka bang pedi, bophahamo e le methara le halofo.

1 Marena 7:27 ပူးပေါင်းရင်းမြစ်များ

1 Marena 7:26

Botenya ba lona e ne e le bophara ba seatla, morumo wa lona wa bopjwa jwaloka morumo wa pitsa, o tshwana le dipalesa; le ne le tshelwa dibathe tse kete tse pedi.

1 Marena 7:28

Didulwana tsa etswa jwana: Tsa eba le mahlakore, mme mahlakore a fapjwa ka ditshenatshe tsa koporo.

1 Marena 7:38

A ntoo bopa merifi e leshome ya koporo, morifi o mong le o mong o tshetse dibathe tse mashome a mane. Morifi o mong le o mong boholo ba wona e ne e le ditswe tse nne, mme sedulwana se seng le se seng ho tse leshome se ne se na le morifi wa sona.

2 Marena 16:17

Jwale, morena Akase a bolaya mahlakore a didulwana, a tlosa merifi e hodima tsona; a theosa le letsha kgomong tsa koporo tse tlasa lona, a le bea hodima sebotoboto sa majwe.

2 Marena 25:13

Haele ditshiya tsa koporo tse ka tlung ya Jehova, le didulwana, le letsha la koporo le ka tlung ya Jehova, Bakalde ba di robaka dikoto, ba isa koporo ya tsona Babilona.

2 Marena 25:16

Ke ditshiya tse pedi, le letsha, le didulwana tseo Salomone a neng a di etseditse ntlo ya Jehova; koporo ya mesebetsi eo yohle e be e se na ho lekanngwa ka baka la boima ba yona.

2 Dikronike 4:14

A etsa le didulwana, mme a etsa merifi, a e bea didulwaneng;

Jeremia 27:19

Hobane ho itswe ke Jehova wa makgotla bakeng sa ditshiya, le sa letsha, le sa didulo, le sa mafiso a mang a sa setseng motseng wona,

Jeremia 52:17

Ditshiya tsa koporo tse neng di le ka tlung ya Jehova, le didulo, le letsha la koporo le neng le le ka tlung ya Jehova, Bakalde ba di bolaya, mme koporo kaofela ba ya le yona Babilona.

Jeremia 52:20

Haele ditshiya tse pedi, le letsha le le leng, le dikgomo tse leshome le metso e mmedi tsa koporo, tse neng di le tlasa lona, le didulo tse neng di etseditswe ntlo ya Jehova ke Salomone, koporo ya mesebetsi eo kaofela e ne e se na ho lekanngwa.