1 Marena 6:7 - Sesotho 1909/1961 (SO)

⁷ Ntlo ha e hahuwa, ya hahuwa ka majwe a lokisitsweng a eso ho tliswe teng, ho se ke ha utlwahala noto, leha e le selepe, leha e le mosebetsi o mong wa tshepe, ha ntlo e ntse e hahuwa.

BIBELE

⁷ Tempele e ne e hahilwe ka majwe a ileng a betlelwa moo a tjhekilweng teng, e le hore ho se be lerata la noto, kapa la tjhesele, kapa la tshepe efe le efe le ka utlwahalang ka Tempeleng ha e ntse e hahuwa.

1 Marena 6:7 ပူးပေါင်းရင်းမြစ်များ

1 Marena 6:6

Kamore tse katlase bophara ba tsona e ne e le ditswe tse hlano, tse hare bophara ba tsona e le ditswe tse tsheletseng, tsa boraro bophara ba tsona e le ditswe tse supileng; hobane o ne a hahile ka majwe a ntshang dintlha lerakong lohle la ntlo, hore difate di se kene marakong a ntlo.

1 Marena 6:8

Monyako wa dikamore tse hare o ne o le lehlakoreng le letona la ntlo; ho ne ho nyolohelwa kamoreng tse hare ka methatinyana e matswedintsweke, mme ho ne ho kenwa dikamoreng tse boraro, ha ho tsuwa ho tse hare.

Eksoda 20:25

Leha o ka nketsetsa aletare ya majwe, o se ke wa e haha ka majwe a betlilweng; hobane ha o ka tsamaisa tshepe lejweng, ke ho le silafatsa.

Diproverbia 24:27

Hleka mosebetsi wa hao kantle, o lokise le tshimo ya hao; hamorao o tla tseba ho haha ntlo ya hao.

Isaia 42:2

A ke ke a howa, a ke ke a phahamisa lentswe, a ke ke a le utlwahatsa diterateng.

Diketso 9:31

Jwale, dikereke di ne di dutse ka kgotso kahohle Judea, le Galelea, le Samaria; di ne di hahiswa, di tsamaya ka tshabo ya Morena; mme di ne di anafala ka tshediso ya Moya o Halalelang.

Baroma 9:23

hore o tumise monono wa kganya ya wona ka dipitsa tsa kgauhelo, tseo o neng o di lokiseditse kganya esale pele?

2 Bakorinthe 5:5

Mme ya re bopetseng hona hoo ke Modimo, e leng wona hape o re neileng ditebeletso tsa Moya.

BaKolose 1:12

le ntse le leboha Ntate ya re entseng ba loketsweng ke ho ba le kabelo lefeng la bahalaledi leseding;

Jakobo 1:20

hobane kgalefo ya motho ha e phethe ho loka ha Modimo.

1 Petrose 2:5

le lona, le ke le hahuwe le le majwe a phelang, ho etsa ntlo ya Moya, le boprista bo halalelang, ho hlahisa mahlabelo a moya, a natefelang Modimo ka Jesu Kreste.