1 Marena 6:29 - Sesotho 1909/1961 (SO)

²⁹ A ntoo betlela maboteng wohle a ntlo ditshwantsho tsa dikerubime, le tsa dipalema, le tsa dipalesa tse thuntseng, ho qala kahare, ho isa kantle.

BIBELE

²⁹ Maboteng wohle a Tempele le a Sehalalelo, ho a potapota, a betla ditshwantsho tsa dikerubime, le tsa difate tsa dipalema, le tsa dithunthung.

1 Marena 6:29 ပူးပေါင်းရင်းမြစ်များ

1 Marena 6:18

Dikedare tse kahare ho ntlo tsa betlwa dithola le palesa tse thuntseng; e ne e le kedare feela, ho sa bonahale majwe.

1 Marena 6:28

A ntoo maneha dikerubime ka kgauta.

1 Marena 6:30

A maneha fatshe ho ntlo ka kgauta, ho qala kahare, ho isa kantle.

1 Marena 6:32

Mamati a mabedi a etswa ka mohlwaare; teng a betla ditshwantsho tsa dikerubime, le tsa dipalema, le tsa dipalesa tse thuntseng, a di maneha ka kgauta; a maneha le dikerubime le dipalema ka kgauta.

2 Dikronike 3:14

A etsa le lesela la purepera le sekarelata le vermilione le lene e ntle, mme a le kgabisa ka dikerubime.

2 Dikronike 3:7

A maneha ntlo, le dibalaka, le mehato ya menyako, le mabota, le dikosene ka kgauta, mme a betla dikerubime maboteng.

Dipesaleme 103:20

Bokang Jehova, lona mangeloi a hae, bahale ba matla, ba phethang lentswe la hae, ba mamelang molomo wa hae!

Dipesaleme 148:2

Mo roriseng, lona mangeloi a hae kaofela! Mo roriseng, lona makgotla a hae kaofela!

Dipesaleme 74:6

Ka dilepe le ka dinoto tsa bona, ba sentse dikgabiso tsohle tse betlilweng.

Eksoda 26:1

O tla etsa tabernakele ka masela a leshome a lene e ntle e lohilweng, a purepera, a sekarelata, a krimsone; o tla homela dikerubime ho wona, e be mosebetsi o etswang ka masene.

Eksoda 36:8

Banna bohle ba masene, ba sebetsang mesebetsi, ba sebetsa tabernakele ka masela a leshome a lene e ntle e lohilweng, a purepera le sekarelata, le krimsone; a etswa a homilweng ka dikerubime, ka mokgwa wa mosebetsi o etswang ka masene;

Ezekiele 40:16

Dikamoreng tsa balebedi ho ne ho na le difensetere tse kwetsweng, di eme ditshiyeng tsa tsona kahare, di teetse monyako hare ka nqa tsohle: ho jwalo le marakong. Difensetere tseo di ne di le ka nqa tsohle, ka nqa kahare; mme ditshiya di ne di na le dipalema.

Ezekiele 41:18

Mme ho ne ho entswe dikerubime le dipalema; palema e le teng mahareng a dikerubime tse pedi; kerubime e ne e na le difahleho tse pedi;

Baefese 3:10

hore jwale bohlale ba Modimo, bo leng bongata mekgweng ya jona, bo bonahale ka kereke, ho baholo le ho mebuso mahodimong,

Tshenolo 7:9

Kamora tseo, ka tadima, mme ka bona bongata bo boholo ba batho, bao ho seng motho ya ka tsebang ho ba bala, ba ditjhaba tsohle, le ba mefuta yohle, le ba merabe yohle, le ba dipuo tsohle, ba eme pela terone le pela Konyana, ba apere diaparo tse telele tse tshweu, ba tshwere dipalema matsohong a bona,