1 Marena 6:20 - Sesotho 1909/1961 (SO)

²⁰ Boholo ba sehalaledisiso ya eba ditswe tse mashome a mabedi, bophara ba sona e le tswe tse mashome a mabedi, le bophahamo ba sona e le ditswe tse mashome a mabedi; a se maneha ka kgauta e hlwekileng; le aletare a e apesa ka dikedare.

BIBELE

²⁰ Bolelele ba Sehalalelo sena e ne e le dimethara tse robong, bophara e le dimethara tse robong, bophahamo e le dimethara tse robong, mme se manehilwe kgauta e hlwekileng. Le aletare ya mapolanka a kedare a e maneha kgauta.

1 Marena 6:20 ပူးပေါင်းရင်းမြစ်များ

1 Marena 6:19

A lokisa sehalaledisiso ka tlung, a tle a bee areka ya selekane sa Jehova ho sona.

1 Marena 6:21

Salomone a maneha le lebota la ntlo ka kgauta e hlwekileng; a feha lesela ka mahlaahlela a kgauta pela sehalaledisiso seo a se manehileng ka kgauta.

1 Marena 6:22

A maneha ntlo yohle ya kgauta, a ba a phetha ntlo yohle; le yona aletare yohle e pela sehalaledisiso, a e maneha ka kgauta.

1 Marena 7:48

Salomone a phetha mesebetsi yohle ya ntlo ya Jehova, e le aletare ya kgauta, le tafole ya kgauta ya mahobe a pontsha;

2 Dikronike 3:7

A maneha ntlo, le dibalaka, le mehato ya menyako, le mabota, le dikosene ka kgauta, mme a betla dikerubime maboteng.

Eksoda 26:29

O tla maneha dipolanka ka kgauta, mme o etse mefapo ya tsona ya kgauta eo maballo a tla kenngwa ho yona; le wona maballo o a manehe ka kgauta.

Ezekiele 41:22

e nang le bophahamo bo tswe tse tharo, le bolelele bo tswe tse pedi; e ne e na le dintlha tsa yona; boleleleng ba yona le mahlakoreng e ne e le ya sefate. Yaba o re ho nna: Ena ke tafole e pela Jehova.

Ezekiele 41:4

A lekanya bolelele bo kahare, bo le tswe tse mashome a mabedi, le bophara bo le tswe tse mashome a mabedi, ka pele ho tempele; yaba o re ho nna: Hoo ke sehalaledisiso.