1 Marena 6:16 - Sesotho 1909/1961 (SO)

¹⁶ Hara ntlo, a kgaola sebaka sa ditswe tse mashome a mabedi maboteng, a sireletsa mabota a sona ka dipolanka tsa kedare ho tloha fatshe, a se etsa sehalalelo, e leng sehalaledisiso.

BIBELE

¹⁶ Motsheo ho Tempele a haha motero ka mapolanka a kedare, a o haha ho tloha fatshe ho ya fihla marulelong. Bophahamo ba wona e ne e le dimethara tse robong, o sireleditse Sehalalelo le Sehalalelo se halalelang ka ho fetisisa.

1 Marena 6:16 ပူးပေါင်းရင်းမြစ်များ

1 Marena 6:17

Ho setseng ha ntlo, e leng tempele e kapela sehalaledisiso, bolelele ba yona ya eba ditswe tse mashome a mane.

1 Marena 6:5

A haha leboteng la ntlo dikamore tse kallaneng tse le potang, a di haha maboteng a ntlo, tsa sika tempele le sehalaledisiso; a etsa dikamore tse kathoko kahohle.

1 Marena 7:7

A etsetsa terone eo a tla ahlolela ho yona mathule a bitswang mathule a kahlolo; a kata fatshe hohle ho wona ka kedare.

1 Marena 8:6

Baprista ba ntoo tlisa areka ya selekane sa Jehova tulong ya yona, sehalalelong sa ntlo, e leng sehalaledisiso, tlasa mapheo a dikerubime.

2 Dikronike 3:8

A ntoo etsa ntlo ya sehalaledisiso; bolelele ba yona e ne e le ditswe tse mashome a mabedi, bo lekane le bophara ba ntlo, bophara le bona e le ditswe tse mashome a mabedi; a e maneha ka kgauta e hlwekileng ya ditalenta tse makgolo a tsheletseng;

Eksoda 26:23

O tla etsetsa dikgutlo tsa tabernakele, motseo, dipolanka tse pedi.

Ezekiele 41:4

A lekanya bolelele bo kahare, bo le tswe tse mashome a mabedi, le bophara bo le tswe tse mashome a mabedi, ka pele ho tempele; yaba o re ho nna: Hoo ke sehalaledisiso.

Ezekiele 45:3

Ka ho ya ka tekanyo eo, o tla lekanya sebaka se bolelele bo ditswe tse dikete tse mashome a mabedi a metso e mene le bophara bo ditswe tse dikete tse leshome; bakeng seo, ho tla ema sehalalelo seo e leng sehalaledisiso.

Levitike 16:2

Jehova a re ho Moshe: Bolella moholwane wa hao Aarone, hore a se ke a nna a kena kamehla yohle sehlalelong kamora lesira pela sekwahelo se leng hodima areka, hore a se tlo shwa; hobane ke tla iponahatsa lerung hodima sekwahelo.

BaHebheru 9:3

Mme kamora lesira la bobedi, e ne e le sebaka sa tabernakele se bitswang sehalaledisiso;