1 Marena 22:36 - Sesotho 1909/1961 (SO)

³⁶ Letsatsi ha le batla ho dikela, ha howeletswa diphafeng, ha thwe: E mong le e mong a boele motseng wa habo, e mong le e mong a boele naheng ya hae.

BIBELE

³⁶ Ha letsatsi le dikela, ha phatlalatswa hara mabotho, ha thwe: “Monna ka mong a kgutlele motseng wa habo, monna ka mong a kgutlele naheng ya habo.”

1 Marena 22:36 ပူးပေါင်းရင်းမြစ်များ

2 Samuele 19:8

Ebile morena o tsoha, a ya dula kgorong, mme setjhaba sohle sa tsebiswa, ha thwe: Bonang, morena o dutse kgorong; mme setjhaba sohle sa itlisa teng pela morena. Haele Baiseraele, ba ne ba balehetse e mong le e mong hae tenteng ya hae.

1 Marena 12:16

Ha Baiseraele bohle ba bona hobane morena ha a ba mamele, setjhaba sa fetola morena, sa re: Kabelo ya rona ke efe ho Davida? le lefa ha re na lona ho mora Jese. Weleng, Baiseraele, ikeleng tenteng tsa lona! Davida, iponele ntlo ya hao! Yaba Baiseraele ba ikela tenteng tsa bona.

1 Marena 12:24

Jehova o re: Se futuheleng banababo lona, bana ba Iseraele; ikgutlelleng e mong le e mong tlung ya hae, hobane taba eo ke ka nna e etsahetseng. Ba mamela lentswe la Jehova, ba kgutlela hae ka molomo wa Jehova.

1 Marena 22:17

Mikea a re: Ke bone Baiseraele bohle ba qhalane dithabeng, eka dinku tse se nang modisa. Jehova o re: Ha ba na morena; e mong le e mong a boele ha hae ka kgotso.

1 Marena 22:31

Haele morena wa Siria, o ne a laetse balaodi ba makoloi a hae ba mashome a mararo a metso e mmedi, a re: Le se ke la lwantsha e monyenyane, leha e le e moholo, haese morena wa Iseraele a nnotshi.

1 Marena 22:35

Ntwa ya befa tsatsing leo, morena yena a emiswa koloing ya hae, mabapa le Basiria. Yare mantsiboya a shwa, madi a tswang leqebeng la hae a ntse a dutlela ka koloing.

1 Marena 22:37

Morena a shwa jwalo; a iswa Samaria, mme morena a patwa Samaria.

2 Marena 14:12

Bajuda ba hlolwa ke Baiseraele, e mong le e mong a ba a balehela tenteng ya hae.

Baahlodi 21:24

Le bona bana ba Iseraele ba tloha teng mohlang oo, ba kgutlela e mong le e mong lelokong la hae le tlung ya hae; ba tloha, e mong le e mong a tle a kgutlele lefeng la hae.

1 Samuele 4:10

Ha ho le jwalo, Bafilesta ba lwana, mme ba hlola Baiseraele, Baiseraele ba ba ba balehela e mong le e, mong hae tenteng ya hae; le polao ya eba kgolo haholo; ha eshwa Baiseraele ba dikete tse mashome a mararo ba maoto.