1 Marena 21:4 - Sesotho 1909/1961 (SO)

⁴ Yaba Akabe o boela hae, a hloname, a halefile ke taba eo Nabothe wa Jisreele a mo arabileng ka yona, kamoo a itseng kateng: Nke ke ka o nea lefa la bontate. A robala diphateng tsa hae, a reteletsa sefahleho sa hae, a hana ho ja bohobe.

BIBELE

⁴ Akabe a kgutlela lapeng ha hae, pelo ya hae e tetebetse, a hloname, ka lebaka la puo eo Nabote wa Mojesereele a e buileng ho yena, hobane o ne a ile a re: “Nke ke ka o nea lefa la bo-ntate.” A ya paqama betheng ya hae, a shebile leboteng, a ikgurumetsa, a hana le ho ja.

1 Marena 21:4 ပူးပေါင်းရင်းမြစ်များ

2 Samuele 13:2

Amnone a tsieleha, a ba a kula ka baka la Tamare, kgaitsedi ya hae; kahobane e be e sa ntsane e le morwetsana, Amnone a sitwa ho mo etsa letho.

2 Samuele 13:4

A re ho Amnone: O otelang hakalo, ngwana morena, ka tsatsi le leng le le leng? Ha o ntsebise keng na? Amnone a re ho yena: Ke rata Tamare, kgaitsedi ya ngwaneso Absalome.

1 Marena 20:43

Morena wa Iseraele a ikela hae, a hloname, a halefile, mme a fihla Samaria.

1 Marena 21:1

Kamora tseo, ha bo ho le Nabothe wa Jisreele, ya nang le tshimo ya merara Jisreele, haufi le ntlo ya borena ya Akabe, morena wa Samaria.

1 Marena 21:3

Nabothe a re ho Akabe: Ka Jehova, ha nka ke ka o nea lefa la bontate.

1 Marena 21:5

Jesebele, mosadi wa hae, a tla ho yena, a re: Na pelo ya hao e ntsho keng? Ha o je bohobe keng?

Esthere 5:13

Empa tseo tsohle di bosula ho nna, ha ke sa ntse ke bona Mordekai, Mojuda eno, a dutse pela monyako wa morena.

Jobo 5:2

Athe bohale bo bolaya lehlanya, mme lewatla le bolawa ke mona.

Moeklesia 6:9

Se bonwang ka mahlo se molemo ho ena le se labalabelwang ke pelo. Hoo le hona ke lefeela le mosebetsi o nyopileng.

Jonase 4:1

Empa taba eo ya swabisa Jonase haholo, a hlonama haholo.

Jonase 4:4

Empa Jehova a re: Na ke hantle ha o hloname na?

Jonase 4:8

Yare ha tsatsi le tjhaba, Jehova a hlahisa moya o bohale wa botjhabela, mme letsatsi la bata hlooho ya Jonase, a ba a kgathala, a qela lefu, a re: Ho leng molemo ho nna ke ho shwa, e seng ho phela.

Jonase 4:9

Empa Modimo wa re ho Jonase: A o etsa hantle, ha o hlonamile ka baka la monyaku na? Yena a re: Ke etsa hantle ha ke hlonamile, le ho isa ho shweng.

Baefese 4:27

mme le se ke la nea Diabolose sebaka.

Jakobo 1:14

Empa motho e mong le e mong o ye a lekwe ke ho hohelwa le ke ho tjhatjhehiswa ke takatso eo e leng ya hae.

1 Samuele 28:23

A hana, a re: Nke ke ka ja. Bahlanka ba hae hammoho le mosadi ba mpa ba mo phehella, a ba a utlwa, a tsoha fatshe, a dula malaong.