1 Marena 17:20 - Sesotho 1909/1961 (SO)

²⁰ A howeletsa ho Jehova, a re: Oho, Jehova, Modimo wa ka, ho ya kang, ha o hlahiseditse mosadi enwa wa mohlolohadi, eo ke dulang ha hae, kotsi, ka ho bolaya mora hae?

BIBELE

²⁰ Elia a ipiletsa ho Morena, a re: “Morena Modimo wa ka, na u fela o otlile le mohlolohadi eo ya nthotseng, ka ho bolaya moshanyana wa hae?”

1 Marena 17:20 ပူးပေါင်းရင်းမြစ်များ

Genese 38:10

Seo a neng a se etsa, sa eba sebe mahlong a Jehova, mme a mmolaya le yena.

Genese 38:7

Ere, mora wa letsibolo wa Juda, e ne e le motho e mobe mahlong a Jehova, mme Jehova a mmolaya.

1 Marena 17:19

Elia a re ho yena: Nnee mora hao. Elia a mo nka sefubeng sa hae, a mo isa phaposing e kahodimo, moo a dulang teng, a mo robatsa diphateng tsa hae.

1 Marena 17:21

Ebile o paqama hodima ngwana hararo, a howeletsa ho Jehova, a re: Oho, Jehova, Modimo wa ka, moya wa ngwana a o ke o boele ka ho yena!

2 Marena 19:15

Esekiase a rapela pela Jehova, a re: Oho, Jehova, Modimo wa Iseraele, ya dutseng hodima dikerubime, ke wena Modimo o nnotshi wa mebuso yohle ya lefatshe; o entse mahodimo le lefatshe.

2 Marena 19:4

Ekaba Jehova, Modimo wa hao, o tla utlwa mantswe wohle a Rabshake, eo monga hae, morena wa Assiria, a mo rometseng ho nyedisa Modimo o utlwang, mme Jehova, Modimo wa hao, o tla kgalemela mantswe ao a a utlwileng. Ka baka leo, o ke o beele masala a setseng thapelo.

2 Marena 20:11

Ebile moporofeta Esaia o bitsa ho Jehova, mme a kgutlisetsa moriti kasanthao ka tekanyo tse leshome letlapeng la dinako la Akase, moo o neng o tsamaya teng.

2 Marena 4:33

A kena, a ikwalla le yena ba babedi ka lemati, a rapela Jehova.

Dipesaleme 99:6

Moshe le Aarone, baprista ba hae, le Samuele, e mong wa ba neng ba rapela lebitso la hae, ba nna ba rapela Jehova, mme a ba utlwa.

Eksoda 17:4

Yaba Moshe o howeletsa ho Jehova, a re: Ke tla etsang ka setjhaba sena? Ba se ba batla ba ntlepetsa!

Jeremia 12:1

Jehova, o lokile, nka sitwa ho tseka le wena; leha ho le jwalo, ke ya tseka le wena. Na ba babe ba ntse ba atleha keng? Bathetsi kaofela ba na le kgotso keng?

Mattheu 17:21

Empa mofuta oo wa batemona ha o tswe, haese ka thapelo le ka ho itima dijo.

Mattheu 21:22

Se seng le se seng seo le se kopang ka thapelo, ha le dumela, le tla se newa.